2022 ఇంగ్లాండ్-వెస్టిండీస్ మ్యాచ్లో జాసన్ హోల్డర్ కేవలం నాలుగు బంతుల్లోనే నాలుగు వికెట్లు తీసి చరిత్ర సృష్టించాడు. ఇంగ్లాండ్కు ఐదు బంతుల్లో 18 పరుగులు అవసరమైన సమయంలో, హోల్డర్ అద్భుతమైన బౌలింగ్తో మలింగ రికార్డును బ్రేక్ చేశాడు. ముఖ్యంగా నాలుగో వికెట్ తీసిన తీరు క్రికెట్ అభిమానులందరినీ ఆశ్చర్యపరిచింది. వివరాల్లోకి వెళ్తే..! 2022లో ఇంగ్లాండ్, వెస్టిండీస్ జట్ల మధ్య జరిగిన ఒక ఉత్కంఠభరితమైన మ్యాచ్లో వెస్టిండీస్ బౌలర్ జాసన్ హోల్డర్ అసాధారణమైన ప్రదర్శన కనబరిచాడు. ఇంగ్లాండ్ జట్టు గెలవడానికి చివరి ఐదు బంతుల్లో 18 పరుగులు చేయాల్సి ఉన్న సందర్భంలో, హోల్డర్ బౌలింగ్ చేయడానికి వచ్చాడు.
ఇది చదవండి: మటన్ బోటీ ఇలా తింటున్నారా.! అయితే విషంతో సమానం..
అతను వేసిన రెండో బంతిని బ్యాట్స్మెన్ సిక్స్ కొట్టాలని ప్రయత్నించినా, బౌండరీ వద్ద ఉన్న ఫీల్డర్ అద్భుతమైన క్యాచ్ పట్టాడు. ఇది మొదటి వికెట్గా నమోదు కాగా.. ఆ తర్వాత మూడు, నాలుగు బంతులకు కూడా బ్యాట్స్మెన్లు క్యాచ్ అవుట్ అవ్వడంతో హోల్డర్ వరుసగా మూడు వికెట్లు సాధించాడు. ఈ మూడు వికెట్ల తర్వాత తాను హ్యాట్రిక్ సాధించానని హోల్డర్ భావించాడు. అయితే, తదుపరి డెలివరీలో మరింత ఊహించని సంఘటన చోటు చేసుకుంది. హోల్డర్ యార్కర్ వేయగా, అది బెయిల్స్ను తగిలింది. ఈ అనూహ్య పరిణామంతో నాలుగో వికెట్ లభించింది. ఈ నాలుగు బంతుల్లో నాలుగు వికెట్లు తీయడంతో జాసన్ హోల్డర్ లసిత్ మలింగ రికార్డును బద్దలు కొట్టి, క్రికెట్ చరిత్రలో ఒక అద్భుతమైన ఘనతను నమోదు చేశాడు.
ఇవి కూడా చదవండి
ఇది చదవండి: జబర్దస్త్లో సుధీర్, హైపర్ ఆది కంటే ఎక్కువ రెమ్యునరేషన్ తీసుకున్నది అతడే..
మరిన్ని క్రికెట్ వార్తల కోసం ఇక్కడ చూడండి..
