WPL 2026 playoff scenario: ఉమెన్స్ ప్రీమియర్ లీగ్ (WPL) 2025లో పదిహేడు మ్యాచ్లు జరిగాయి. ఇప్పటివరకు, ప్లేఆఫ్కు అర్హత సాధించిన ఏకైక జట్టుగా రాయల్ ఛాలెంజర్స్ బెంగళూరు నిలిచింది. లీగ్ దశ మ్యాచ్లు మూడు మిగిలి ఉన్నాయి. ఇవి మిగిలిన రెండు జట్ల ప్లేఆఫ్ స్థానాలను నిర్ణయిస్తాయి. మిగిలిన రెండు ప్లేఆఫ్ స్థానాల కోసం నాలుగు జట్లు పోటీ పడుతున్నాయి: ఢిల్లీ క్యాపిటల్స్, ముంబై ఇండియన్స్, యూపీ వారియర్స్, గుజరాత్ జెయింట్స్. జనవరి 27న ఢిల్లీని ఓడించడం ద్వారా గుజరాత్ తమ ఆశలను సజీవంగా ఉంచుకుంది. తద్వారా నేరుగా ఫైనల్కు చేరుకునే అవకాశం ఉంది.
WPL లో లీగ్ దశ దాటి కేవలం మూడు జట్లు మాత్రమే ముందుకు సాగుతాయి. WPL పాయింట్ల పట్టికలో అగ్రస్థానంలో ఉన్న జట్టు నేరుగా ఫైనల్కు చేరుకుంటుంది. రెండవ, మూడవ స్థానంలో ఉన్న జట్లు రెండవ ఫైనలిస్ట్ కోసం పోటీ పడతాయి. ప్రస్తుతం, RCB 10 పాయింట్లతో పట్టికలో అగ్రస్థానంలో ఉంది. ఎనిమిది పాయింట్లతో గుజరాత్ రెండవ స్థానంలో ఉంది. ముంబై, ఢిల్లీ ఆరు పాయింట్లతో తరువాతి స్థానాల్లో ఉన్నాయి. ఉత్తరప్రదేశ్ నాలుగు పాయింట్లతో అట్టడుగున ఉంది. కానీ రెండు మ్యాచ్లు మిగిలి ఉన్నాయి.
UP వారియర్స్ అవకాశాలు..
WPL 2026 మ్యాచ్లలో జనవరి 29న బెంగళూరు vs యూపీ, జనవరి 30న గుజరాత్ vs ముంబై, ఫిబ్రవరి 1న ఢిల్లీ vs యూపీ మ్యాచ్ లు ఉన్నాయి. ముందుకు సాగాలంటే UP మిగిలిన రెండు మ్యాచ్లలో గెలవాల్సి ఉంటుంది. ఒక్క ఓటమి కూడా ప్లేఆఫ్ రేసు నుంచి తప్పించవచ్చు.
గుజరాత్ జెయింట్స్ అవకాశాలు..
గుజరాత్ తమ చివరి మ్యాచ్లో గెలిస్తే ప్లేఆఫ్కు చేరుకుంటుంది. యూపీ ఢిల్లీని ఓడించి ఆర్సిబి చేతిలో ఓడిపోయినా, గుజరాత్ ఇప్పటికీ ప్లేఆఫ్కు అర్హత సాధిస్తుంది. ఈ జట్టు ఫైనల్కు చేరుకోవడానికి పెద్ద విజయం, ఆర్సిబికి పెద్ద ఓటమి అవసరం.
ఢిల్లీ క్యాపిటల్స్ అవకాశాలు..
ఢిల్లీ జట్టు చివరి మ్యాచ్ యూపీతో ఆడుతుంది. ముందుకు సాగాలంటే తప్పక గెలవాల్సిందే. ముంబై లేదా గుజరాత్ ఓడిపోవడం కూడా ఢిల్లీకి అవసరం. యూపీ చేతిలో ఓడిపోయినా ముందుకు సాగవచ్చు. గుజరాత్ ముంబైని గణనీయమైన తేడాతో ఓడించాలి. అలాగే, ఆర్సీబీ యూపీని ఓడించాలి. అప్పుడే ఢిల్లీ నెట్ రన్ రేట్ ఆధారంగా ముందుకు సాగగలదు.
ముంబై ఇండియన్స్ అవకాశాలు..
ముంబై ఇండియన్స్ ప్రస్తుతం ఆరు పాయింట్లతో ఉంది. చివరి మ్యాచ్ గుజరాత్తో ఉంది. ఈ మ్యాచ్ లో విజయం సాధిస్తే ముందుకు వెళ్లే ఛాన్స్ ఉంటుంది. ఒకవేళ ఓడిపోతే, ఢిల్లీ జట్టు యూపీ చేతిలో ఓడిపోవాలి, అలాగే బెంగళూరు, యూపీ చేతిలో ఓడిపోవాలని కోరుకోవాలి.
మరిన్ని క్రీడా వార్తల కోసం ఇక్కడ క్లిక్ చేయండి..
