జాన్ విక్ అనే పేరు వినగానే, హాలీవుడ్ సినిమాలు చూసే వారికి ఠక్కున గుర్తుకు వచ్చేది…క్షణాల్లో ఎంతో మంది శత్రువులను చంపే ఒక హీరో పాత్ర గురించి. ఈ పాత్రను ప్రముఖ నటుడు కీను రీవ్స్ పోషించారు. కీను నిజ జీవితంలో ఎలా ఉంటాడో ఒక చిన్న వీడియోలో ఇక్కడ చూడవచ్చు. అది సోషల్ మీడియాలో వైరల్ గా మారింది. వీడియో చూసిన చాలా మంది నెటిజన్లు తమ అభిప్రాయాలను తెలియజేశారు.
44 సెకన్ల వీడియోలో కీను రీవ్స్ రైలులో ప్రయాణిస్తుండటం మనం చూడొచ్చు. అతను ఒక సామాన్యుడిలా ప్రయాణిస్తున్నాడు. కీను నీలిరంగు జీన్స్, నల్ల బ్లేజర్ ధరించి తన సీటుపై హాయిగా కూర్చుని ఉన్నాడు. ఇంతలో, ఒక మహిళ వచ్చి అతని దగ్గర నిలబడింది. ఆ మహిళ భుజానికి ఒక బ్యాగ్ మోస్తోంది. కీను కళ్ళు ఆమె వైపు పడ్డాయి. అతను ఆ మహిళతో మాట్లాడి ఆమెకు తన సీటు ఇచ్చాడు. ఆ మహిళ అంగీకరించినప్పుడు, అతను సీటు నుండి లేచి ఆ మహిళను కూర్చోమన్నాడు. అతను తన బ్యాగ్ తీసుకుని తన భుజానికి వేసుకుని, రైల్లో ఉన్న రాడ్‌ పట్టుకుని లేచి నిలబడ్డాడు.
ఈ వీడియో సోషల్ మీడియాలో వైరల్ గా మారింది. దీనికి 816.7K వ్యూస్ వచ్చాయి. నిజమైన సూపర్ స్టార్లు ఇలానే ఉంటారు అంటూ చాలా మంది నెటిజన్లు కామెంట్‌ చేశారు. కీను ఇలాంటి వీడియో బయటకు రావడం ఇదే మొదటిసారి కాదు. ఎందుకంటే.. కీను ఎప్పుడూ సామాన్యుడిలా జీవించడానికి ఇష్టపడతాడు. అతనికి సంబంధించి సామాన్యులతో కలిసి ఉన్న అనేక వీడియోలు ఇంతకు ముందు కూడా వైరల్ అయ్యాయి.
కీను రీవ్స్ ఎవరు?
కీను రీవ్స్ పూర్తి పేరు కీను చార్లెస్ రీవ్స్. అతను సెప్టెంబర్ 2, 1964న లెబనాన్‌లోని బీరుట్‌లో జన్మించాడు. అతను షోగర్ల్, కాస్ట్యూమ్ డిజైనర్ పాట్రిక్ రీవ్స్, భూవిజ్ఞాన శాస్త్రవేత్త సామ్యూల్ నౌలిన్ రీవ్స్‌ల కుమారుడు. కీను రీవ్స్ మ్యాట్రిక్స్, జాన్ విక్ సిరీస్‌ల నుండి ప్రపంచవ్యాప్తంగా ప్రజాదరణ పొందాడు. ఇది కాకుండా, అతను అనేక సూపర్‌హిట్ చిత్రాలను అందించాడు.
మరిన్ని ట్రెండింగ్‌ వార్తల కోసం ఇక్కడ క్లిక్‌ చేయండి
