సోషల్ మీడియాలో ఒక వీడియో వైరల్ అవుతోంది. ఇది నెటిజన్లను తీవ్ర భయబ్రాంతులకు గురిచేసింది. ఈ వీడియోలో ఒక వ్యక్తి అర్ధరాత్రి 3 గంటల తరువాత తన కూతురి గదికి వెళ్తాడు… ఎందుకంటే, అక్కడ నుండి అతడు ఒక వింత నవ్వులు విన్నాడు..కానీ, అతను అక్కడికి వెళ్లినప్పుడు తను చూసిన దృశ్యం ఎవరికైనా సరే.. గుండెల్లో గుబులు రేపుతుంది.. గుండె వీక్‌గా ఉన్నవారికి హార్ట్‌ ఎటాక్‌ కూడా రావొచ్చు. అంతటి భయానక దృశ్యాన్ని చూశాడు అతడు..పూర్తి డిటెల్స్‌లోకి వెళితే…
వైరల్ అవుతున్న ఈ వీడియోలో ఒక గదిలోని అల్మారా పక్కన నేలపై ఒంటరిగా కూర్చున్న ఒక చిన్న అమ్మాయి కనిపిస్తుంది. మొదట అంతా సాధారణంగానే ఉందని ఆ వ్యక్తి అనుకున్నాడు. కానీ, సడెన్‌గా, భయంకరంగా రెండు చేతులు అల్మారా నుండి బయటకు వచ్చి అమ్మాయి జుట్టుతో ఆడుకోవడం కనిపించింది. ఇది చూసిన ఆ వ్యక్తి భయపడి తన కూతురి వద్దకు పరిగెత్తాడు. కానీ, అప్పటికే ఆ చేతులు మాయమైపోయాయి. ఆశ్చర్యకరమైన విషయం ఏమిటంటే, చేతులు బయటకు వస్తున్న ప్రదేశంలో ఒక బొమ్మ మాత్రమే పడి ఉంది. వీడియోలో ఆ వ్యక్తి తన కూతురి భుజంపై చేయి వేసి పిలవటం మీరు చూస్తారు. కానీ, ఆ అమ్మాయి ఏమీ తెలియనట్లుగా స్పందించకుండా నిశ్శబ్దంగా కూర్చుంది.
ఇవి కూడా చదవండి
వీడియో ఇక్కడ చూడండి..
ఈ వీడియోను ఇన్‌స్టాగ్రామ్‌లో @scaryencounter అనే పేజీ నుండి షేర్ చేశారు. దీనిని ఇప్పటివరకు వేలాది మంది లైక్ చేశారు. వీడియో చూసిన చాలా మంది నెటిజన్లు ఆశ్చర్యాన్ని వ్యక్తం చేస్తూ తమ స్పందనలను తెలియజేస్తున్నారు. అయితే, ఈ వీడియో ఎప్పుడు, ఎక్కడ రికార్డ్ చేయబడిందనే దానిపై ఎటువంటి సమాచారం లేదు.
అయితే, చాలా మంది నెటిజన్లు ఈ వీడియోను ఫేక్‌ అంటూ కొట్టిపడేస్తున్నారు. ఏ తండ్రి అయినా తన కూతురిని కాపాడే ముందు వీడియో ఎందుకు తీస్తాడని అంటున్నారు? ఇలాంటిది నిజంగా జరిగి ఉంటే, ఏ తండ్రి అయినా వెంటనే తన కూతురిని ఎత్తుకుని అక్కడి నుండి పారిపోయేవాడు, ఆమెను పిలుస్తూ అక్కడే ఉండేవాడు కాదని మరొక యూజర్ రాశారు.
మరిన్ని ట్రెండింగ్‌ వార్తల కోసం ఇక్కడ క్లిక్‌ చేయండి
