సిటీలో ఎక్కడైనా షాపింగ్కి వెళ్ళినప్పుడు.. అక్కడ కొన్న వస్తువులను ఖాకీ రంగు బ్యాగులో మాత్రమే ప్యాక్ చేసి షాపు వ్యక్తులు ఇవ్వడం మీరు చూసి ఉంటారు. ఈ బ్యాగులు ఖాకీ రంగులోనే ఎందుకు ఉంటాయో మీరెప్పుడైనా ఆలోచించారా? షాపింగ్ బ్యాగులు ఈ రంగులోనే ఎందుకు ఉంటాయంటే..
ఖాకీ రంగు షాపింగ్ బ్యాగులను తరచుగా రీసైకిల్ చేసిన కాగితంతో తయారు చేస్తారు. ఈ కాగితం పూర్తిగా తెల్లగా లేనందున, దాని సహజ రంగు ఖాకీగా కనిపిస్తుంది. రీసైకిల్ చేసిన కాగితం వాడకం అటు పర్యావరణానికి ఇటు ఖర్చుకు కలిసొస్తుంది.
తెల్ల కాగితాన్ని ఉత్పత్తి చేయడానికి బ్లీచింగ్, ఎక్కువ రసాయన ప్రాసెసింగ్ అవసరం. ఖాకీ పేపర్కు తక్కువ ప్రాసెసింగ్ అవసరం. తద్వారా ఉత్పత్తి ఖర్చులు తగ్గుతాయి. ఖాకీ సంచులలో తక్కువ రసాయనాలు ఉంటాయి. అవి బయోడిగ్రేడబుల్, ప్లాస్టిక్ కంటే పర్యావరణానికి సురక్షితమైనవి.
ఈ సంచులు సాధారణంగా మందంగా, బలమైన కాగితంతో తయారు చేస్తారు. కాబట్టి అవి ఎక్కువ బరువును మోయగలవు. సులభంగా చిరిగిపోవు.
ఖాకీ రంగు బ్యాగులు చౌకగా ఉంటాయి. షాపు లోగో లేదా సమాచారాన్ని ముద్రించడం సులభం. అందువల్ల దుకాణదారులు షాపింగ్ బ్యాగులు విస్తృతంగా ఉపయోగిస్తారు.
