ప్రముఖ యూట్యూబ్ క్రియేటర్ అన్వేష్ తన ఇన్స్టాగ్రామ్ ఖాతా నిలిపివేయబడడం, దాని చుట్టూ రేగిన వివాదాలు, అలాగే తనపై వచ్చిన ఆరోపణలపై వివరంగా స్పందించాడు. ఒక ఏడేళ్ల బాలికకు సంబంధించిన వీడియోను అప్లోడ్ చేసిన అనంతరం, ఇన్స్టాగ్రామ్ ఐడీ ప్రూఫ్ను సమర్పించమని కోరిందని తెలిపాడు. ఈ క్రమంలో, తన పాత పాస్పోర్ట్ స్థానంలో కొత్త పాస్పోర్ట్ వివరాలను మూడుసార్లు అప్లోడ్ చేయగా, ఇన్స్టాగ్రామ్ తన ఖాతాను 48 గంటల పాటు డియాక్టివేట్ చేసినట్లు వివరించారు. ఈ పరిణామం తనపై ప్రజలు ఎలా స్పందిస్తారో తెలుసుకోవడానికి ఒక ఆటగా భావించానని పేర్కొన్నారు. తాను ఒక హిందువునని, భారతీయుడినని, 130 దేశాలు తిరిగి, ఎంతో కష్టపడి పనిచేశానని, ఎవరికీ అన్యాయం చేయలేదని నా అన్వేషణ స్పష్టం చేశాడు. పేదలకు 80 లక్షల రూపాయలు దానం చేశానని, ప్రతిరోజు ఉదయం దానం, ధర్మం, న్యాయం పాటించే వ్యక్తిగా జీవిస్తానని తెలిపారు. తాను చేసిన తప్పు బెట్టింగ్ యాప్లను ఆపడమేనని ఆరోపించాడు.
ఉగ్రవాద సంస్థలకు భారతదేశ డబ్బు వెళ్తుండటంతో, తాను ప్రభుత్వానికి ఈ విషయంపై సమాచారం అందించానని చెప్పుకొచ్చాడు అన్వేష్. తనను విమర్శిస్తున్న 90 శాతం క్రియేటర్లు గతంలో బెట్టింగ్ యాప్లకు ప్రచారం చేశారని ఆరోపించారు. నెలకు 30 లక్షల రూపాయల ఆదాయాన్ని వదులుకొని ప్రజల కోసం పోరాడిన హీరోనని, భారతదేశం నుంచి బెట్టింగ్ యాప్లను పారద్రోలడానికి ఆరు సంవత్సరాలుగా ముందు నుంచి పోరాడానని ప్రకటించారు. తనపై బెట్టింగ్ ముఠా స్కూళ్లలోకి వెళ్లి ప్రచారం చేస్తోందని, ఇది తన శక్తికి నిదర్శనమని వ్యాఖ్యానించారు. మత మార్పిడి ఆరోపణలను ఖండిస్తూ, తాను హిందూ ధర్మంలోనే పుట్టానని, భగవద్గీత, రామాయణం, మహాభారతం, మంత్రాలు అన్నీ తెలుసని తెలిపారు. దేవుళ్లను తిట్టాననే ప్రచారాన్ని ఖండించారు, నిరూపిస్తే 10 లక్షల రూపాయల నజరానా ఇస్తానని ప్రకటించారు. సీతాదేవి, ద్రౌపదిపై వచ్చిన వ్యాఖ్యలు మాట దొర్లడం వల్లే జరిగాయని, అందుకు వందసార్లు క్షమించమని అడిగానని అన్వేష్ వెల్లడించాడు. అవసరమైతే, ప్రజల ఆనందం కోసం తన ఫేస్బుక్, యూట్యూబ్ ఖాతాలను కూడా తానే తొలగిస్తానని పేర్కొంటూ, అందరూ మంచి పనులు చేయాలని పిలుపునిచ్చారు.
