హిందూ ధర్మంలో మహా శివరాత్రి అత్యంత పవిత్రమైన పర్వదినాలలో ఒకటి. సృష్టి, స్థితి, లయలకు అధిపతి అయిన పరమేశ్వరుడు.. విధ్వంసానికి మాత్రమే కాకుండా, పునర్నిర్మాణానికి కూడా ప్రతీక. ఈ పవిత్ర రాత్రి శివుని ఆరాధించడం ద్వారా భక్తులు ఆధ్యాత్మిక శక్తిని, అంతర శాంతిని, జీవన మార్గదర్శకత్వాన్ని పొందుతారు. అయితే, ప్రతి ఒక్కరూ శివుని పూజిస్తారు గానీ, కొంతమందిలో శివునితో సహజమైన, లోతైన ఆధ్యాత్మిక అనుబంధం ఉంటుంది. ఎలాంటి కోరికలు లేకుండా, నిరహంకార భక్తితో శివుని ఆరాధించే స్వభావం వారిలో కనిపిస్తుంది. జీవితంలో సవాళ్లు ఎదురైనప్పుడు, వారు శివునితో ఆధ్యాత్మిక సంభాషణ ద్వారా దారి కనుగొంటారు.
