ప్రపంచవ్యాప్తంగా యేటా లక్షలాది మంది ప్రాణాలను బలి తీసుకుంటున్న ప్రాణాంతక వ్యాధుల్లో క్యాన్సర్ అగ్రస్థానంలో ఉంది . అందులో ఊపిరితిత్తుల క్యాన్సర్ బారిన పడుతున్న వారి సంఖ్య రోజురోజుకూ పెరుగుతోంది. కానీ కొన్ని జాగ్రత్తలు తీసుకుంటే ఈ వ్యాధిని తిప్పికొట్టవచ్చు. మన శరీరానికి అలాంటి శక్తి ఉంది. ముఖ్యంగా ఊపిరితిత్తుల క్యాన్సర్ లక్షణాల గురించి తెలుసుకుంటే ప్రారంభ దశలనే నివారించడానికి అవకాశం ఉంటుంది. అవేంటో ఇక్కడ తెలుసుకుందాం..
ఊపిరితిత్తుల క్యాన్సర్ లక్షణాలు ఎలా ఉంటాయంటే..?
- దగ్గు
- శ్వాస తీసుకోవడంలో ఇబ్బంది
- దగ్గుతున్నప్పుడు రక్తం
- వెన్నునొప్పి
- మానసిక స్థితిలో మార్పులు
- అధికంగా బరువు తగ్గడం
- అలసట
- ఛాతీ నొప్పి
- తలనొప్పి
ఊపిరితిత్తుల క్యాన్సర్‌ను నివారించడానికి తీసుకోవల్సిన జాగ్రత్తలు
- ఊపిరితిత్తుల క్యాన్సర్ కు ధూమపానం ప్రధాన కారణం. మీరు ధూమపానం చేసేవారైతే, వెంటనే ఆ అలవాటును మానేయడానికి ప్రయత్నించండి. అవసరమైతే నిపుణుల సహాయం తీసుకోండి.
- వాయు కాలుష్యం కూడా ఊపిరితిత్తుల క్యాన్సర్‌కు ప్రదాన కారకం. కాబట్టి బయటకు వెళ్ళేటప్పుడు మాస్క్ ధరించాలి.
- కొన్ని రసాయనాలు ఊపిరితిత్తుల క్యాన్సర్ ప్రమాదాన్ని పెంచుతాయి. కాబట్టి తగిన భద్రతా జాగ్రత్తలు పాటించాలి.
- వీలైనంత వరకు ఆరోగ్యకరమైన ఆహారం తీసుకోవాలి. ముఖ్యంగా ఆహారంలో పండ్లు, కూరగాయలు, తృణధాన్యాలు చేర్చుకోవాలి.
- యాంటీఆక్సిడెంట్లు, పోషకాలు అధికంగా ఉండే ఆహారాన్ని తీసుకోవాలి. ఇవి ఊపిరితిత్తుల ఆరోగ్యాన్ని కాపాడుకోవడానికి సహాయపడతాయి.
- క్రమం తప్పకుండా వ్యాయామం చేయాలి. ఎందుకంటే క్రమం తప్పకుండా వ్యాయామం చేయడం వల్ల ఊపిరితిత్తుల పనితీరు మెరుగుపడుతుంది. రోగనిరోధక శక్తి కూడా బలపడుతుంది. ఇది ఊపిరితిత్తుల క్యాన్సర్ ప్రమాదాన్ని తగ్గించడంలో సహాయపడుతుంది.
- ముఖ్యంగా అల్ట్ర పాసెస్ట్ ఫుడ్ అంటే.. బ్రెడ్, సోడా, నూడిల్స్ వంటి ఆహారాలు ఊపిరితిత్తుల క్యాన్సర్ ప్రమాదాన్ని వేగంగా పెంచుతాయి.
- ప్రారంభ దశలోనే ఊపిరితిత్తుల క్యాన్సర్‌ను గుర్తించడానికి క్రమం తప్పకుండా వైద్య పరీక్షలు చేసుకోవడం చాలా ముఖ్యం. కాబట్టి, 6 నెలలకు ఒకసారి వైద్యుడిని సంప్రదించి అవసరమైన పరీక్షలు చేయించుకోవాలి.
మరిన్ని లైఫ్‌స్టైల్‌ కథనాల కోసం క్లిక్‌ చేయండి.
