భారతదేశ ఆర్థిక రాజధానిగా పిలువబడే ముంబై దాదాపు 27.80 లక్షల కోట్ల రూపాయల ఆర్థిక వ్యవస్థతో దేశంలో అగ్రస్థానంలో ఉంది. రిజర్వ్ బ్యాంక్, స్టాక్ మార్కెట్, ప్రధాన బ్యాంకులు, బీమా కంపెనీలు, కార్పొరేట్ కార్యాలయాలు ఇక్కడ పనిచేస్తున్నాయి. అదనంగా, బాలీవుడ్ చిత్ర పరిశ్రమ, ప్రధాన ఓడరేవు నగరంగా ఉండటం వల్ల ముంబై భారీ ఆదాయాన్ని సంపాదిస్తుంది. ఢిల్లీ రెండో స్థానంలో నిలిచింది. 24.37లక్షల కోట్లతో ఢిల్లీ సెకండ్ ప్లేస్లో ఉంది.
మూడవ స్థానంలో కోల్కతా ఉంది. దాదాపు రూ.13.45 లక్షల కోట్ల ఆర్థిక వ్యవస్థతో ఈ చారిత్రాత్మక ఓడరేవు నగరం ఉక్కు, ఇంజనీరింగ్, టీ వ్యాపారం, తయారీ రంగాలలో అగ్రగామిగా ఉంది. నాల్గవ స్థానంలో ఉన్న బెంగళూరును భారతదేశ సిలికాన్ వ్యాలీగా పిలుస్తారు. దాదాపు రూ.9.86 లక్షల కోట్ల జిడిపితో, ఈ నగరం ఐటి, స్టార్టప్ రంగాలలో ప్రధాన పాత్ర పోషిస్తుంది. అనేక యునికార్న్ కంపెనీలు ఇక్కడి నుండే ప్రారంభమయ్యాయి.
చెన్నై ఐదవ స్థానంలో (రూ. 7.05 లక్షల కోట్లు), హైదరాబాద్ ఆరవ స్థానంలో (రూ. 6.70 లక్షల కోట్లు), పూణే ఏడవ స్థానంలో (రూ. 6.18 లక్షల కోట్లు), అహ్మదాబాద్ ఎనిమిదవ స్థానంలో (రూ. 6.09 లక్షల కోట్లు), సూరత్ తొమ్మిదవ స్థానంలో (రూ. 5.30 లక్షల కోట్లు), విశాఖపట్నం పదో స్థానంలో (రూ. 3.90 లక్షల కోట్లు) ఉన్నాయి, పారిశ్రామిక, ఐటీ, వస్త్ర, ఫార్మా, ఎగుమతి రంగాల ద్వారా దేశ ఆర్థిక వ్యవస్థకు గణనీయమైన సహకారాన్ని అందిస్తున్నాయి.
ఇవి కూడా చదవండి
మొత్తం మీద, ఈ నగరాలు భారత ఆర్థిక వ్యవస్థకు వెన్నెముక. పరిశ్రమ, సేవలు, ఐటీ, స్టార్టప్ల ద్వారా అవి కోట్లాది ఉద్యోగాలను సృష్టిస్తున్నాయి. రాబోయే సంవత్సరాల్లో ఈ నగరాలు మరింత విస్తరించి, దేశ ఆర్థిక వృద్ధిలో మరింత ముఖ్యమైన పాత్ర పోషించే అవకాశం ఉంది.
మరిన్ని ట్రెండింగ్ న్యూస్ కోసం క్లిక్ చేయండి..
