భారత ఆర్థిక శాస్త్ర, నీతి శాస్త్ర పితామహుడిగా పేరొందిన ఆచార్య చాణక్యుడు అనేక మానవ సమస్యలకు సులభమైన మార్గాలను చూపారు. ఆర్థిక సమస్యలతోపాటు బంధాలు, జీవితంలో విజయం సాధించడం, ఎవరితో ఎలా ఉండాలి, వ్యక్తికి సంబంధించిన ప్రతీ విషయాన్ని ఆయన స్పష్టంగా తెలియజేశారు. మంచి, చెడు మధ్య తేడాలను తెలియజేశారు. జీవితంలో ఎలాంటి వారికి దూరంగా ఉండాలి. ఎవరితో స్నేహం చేయాలి. జీవితంలో ఉన్నత స్థానాలకు చేరుకోవాలంటే ఏం చేయాలనేదానిపై సూచనలు చేశారు. చాణక్య నీతి అంటే జీవితం, రాజకీయం, ధనం, మిత్రత్వం, శత్రుత్వం వంటి అంశాలపై చాణక్యుడు చెప్పిన ఆచరణాత్మక సూత్రాల సంగ్రహం. కొన్ని ప్రసిద్ధ చాణక్య నీతులు గురించి మనం ఇప్పుడు తెలుసుకుందాం.
