చమోమిలే అనే హెర్బల్ డ్రింక్ టీ నేలా కాలంలో బాగా ప్రాచుర్యం పొందింది. చమోమిలే టీని మాట్రికేరియా చమోమిల్లా మొక్క ఎండిన పువ్వులతో తయారు చేస్తారు. సాధారణ భాషలో చెప్పాలంటే చామంతి పువ్వుల టీ. ఈ టీలో యాంటీఆక్సిడెంట్, యాంటీ ఇన్ఫ్లమేటరీ లక్షణాలు దండిగా ఉంటాయి.
ఈ టీలో అపిజెనిన్ అనే యాంటీఆక్సిడెంట్ ఉంటుంది. ఇది త్వరగా నిద్రపోవడానికి సహాయపడుతుందని, నిద్రలేమి సమస్యను తగ్గిస్తుందని ఆరోగ్య నిపుణులు చెబుతున్నారు. అంతేకాకుండా చమోమిలే టీ తాగడం వల్ల శరీరానికి ఇతర ప్రయోజనాలు ఉన్నాయి. అవేంటో ఇక్కడ తెలుసుకుందాం…
ఈ టీ నాడీ వ్యవస్థను ఆరోగ్యంగా ఉంచుతుంది. పని ఒత్తిడి కారణంగా మానసిక ఒత్తిడికి గురైతే, చమోమిలే టీ తాగడం మంచిది. ఈ టీ ప్రశాంతతను తెస్తుంది. ఇది మానసిక ఆందోళనను కూడా బాగా తగ్గిస్తుంది.
చమోమిలే టీ జీర్ణవ్యవస్థను మెరుగుపరుస్తుంది. ఇది కడుపు సమస్యలను కూడా నయం చేస్తుంది. ఈ టీని క్రమం తప్పకుండా తీసుకుంటే శరీరంలో చక్కెర స్థాయి నియంత్రణలో ఉంటుందని నిపుణులు చెబుతున్నారు.
గమనిక- ఈ కథనంలో ఇచ్చిన సమాచారం ప్రాథమిక సమాచారం ఆధారంగా రూపొందించబడింది. ఏదైనా ప్రయోగం చేసే ముందు సంబంధిత ఆరోగ్య నిపుణులను సంప్రదించాల్సి ఉంటుంది.
