ఆపరేషన్ జాక్ సక్సెసయింది. తూర్పు గోదావరి జిల్లా కూర్మాపురంలో పులిని విజయవంతంగా బంధించారు. పాక నుంచి బయటకు వచ్చిన పులి.. పక్కనే వున్న చెరువువైపు దూసుకెళ్లడానికి ప్రయత్నించింది. ఫ్లడ్ లైట్ వెలుతురులో గురి చూసి మత్తు ఇంజక్షన్ను షూట్ చేశారు. మగతలో జారుకున్న పులిని బోనులోకి చేర్చారు. పొద్దున్నుంచి పులి గాండ్రింపుతో హడలిపోయిన జనం… పులి పట్టుపడగానే పండగ చేస్కున్నారు. మత్తులో వున్న పులిని బోనులోకి చేరుస్తుండగా సెల్పీల కోసం ఎగపడ్డారు.
చత్తీస్గఢ్ నుంచి ఏలూరు మీదుగా తూర్పు గోదావరి జిల్లాకు వచ్చిన పులి… కూర్మాపురం పొలాల్లో పరుగులు తీసింది. ఈ దృశ్యాలను స్తానికులు కెమెరాల్లో బంధించారు. జనవాసాల్లోకి దూసుకొచ్చిన పులి.. పూరిపాకలోకి దూరింది. పుణె, హైదరాబాద్ నుంచి వచ్చిన రెస్క్యూ టీమ్స్ను పులిని బంధించేందుకు పకడ్బందీ వ్యూహం పన్నారు. పాక చుట్టూ ఫెన్సింగ్ .. ఎదురుగా ఫ్లడ్ లైట్లను ఏర్పాట్టు చేశారు. వాళ్ల అంచనా నిజమైంది. వెలుతురుకు పులి పాక నుంచి బయటకు వచ్చింది.
వీడియో చూడండి..
పక్కనే వున్న చెరువు వైపు దౌడ్ తీసింది.అప్పటికే అలెర్ట్గా వున్న రెస్క్యూ టీమ్.. మత్తు ఇంజక్షన్ను షూట్ చేశాయి. గురి తప్పదలేదు. మత్తు ఇంజక్షన్ తగలగానే పులి మగతలోకి జారుకుంది. ఐతే మత్తు ఐదు నిమిషాలకు మించి వుండదు.అంతే పోలీసులు, రెస్యూ టీమ్స్ పరుగులు తీశారు. మత్తులో వున్న పులిని ఒడుపుగా బంధించి.. బోనులోకి చేర్చారు.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..
