టాలీవుడ్ ఇండస్ట్రీలో ఆమె క్రేజీ హీరోయిన్. తొలి చిత్రంతోనే ఒక్కసారిగా సెన్సేషన్ అయ్యింది. ఆ తర్వాత పలు చిత్రాల్లో నటించినప్పటికీ ఆశించిన స్థాయిలో హిట్టు అందుకోలేకపోయింది. దీంతో ఆమెకు ఆశించిన స్థాయిలో అవకాశాలు మాత్రం రాలేదు. ఇంతకీ ఈ భామ ఎవరంటే..
ఆమె మరెవరో కాదు.. హీరోయిన్ పాయల్ రాజ్ పుత్. ఈ ముద్దుగుమ్మ తెలుగులో మొత్తం 12 సినిమాల్లో నటిస్తే అందులో కేవలం రెండు మాత్రమే హిట్టయ్యాయి. పాయల్ రాజ్ పుత్… కార్తికేయ సరసన ఆర్ఎక్స్ 100 మూవీతో తెలుగు తెరకు కథానాయికగా పరిచయమైంది.
తొలి సినిమాతోనే అందం, అభినయంతో కుర్రాళ్ల గుండెల్లో స్థానం సంపాదించుకుంది. డైరెక్టర్ అజయ్ భూపతి దర్శకత్వం వహించిన ఈ సినిమా కలెక్షన్ల సునామీ సృష్టించింది. తొలి చిత్రంలో ఓ రేంజ్ రొమాంటిక్ సన్నివేశాల్లో కనిపించి ఒక్కసారిగా హాట్ టాపిక్ అయ్యింది.
తెలుగులో , RDXలవ్, వెంకీమామ, డిస్కో రాజా, అనగనగా ఓ అతిథి, మంగళవారం వంటి చిత్రాల్లో నటించింది. మొత్తం 12 సినిమాలు చేసింది. కానీ వీటిలో ఆర్ ఎక్స్ 100, మంగళవారం సినిమా తప్ప మిగిలినవేవి హిట్ కాలేదు.
తెలుగుతోపాటు కన్నడ, పంజాబీలో పలు చిత్రాల్లో నటించినప్పటికీ ఆశించిన స్థాయిలో హిట్టు రాలేదు. ఇప్పుడు ఈ బ్యూటీ చేతిలో ఒక్క సినిమా కూడా లేదు. కానీ సోషల్ మీడియాలో గ్లామర్ ఫోటోలతో రచ్చ చేస్తుంది. తాజాగా ఈ అమ్మడు షేర్ చేసిన ఫోటోస్ వైరలవుతున్నాయి.
