అందుకే ఇండస్ట్రీకి దేవుడయ్యాడు..! షూటింగ్ మొదటి రోజే దర్శకుడికి గుండెపోటు.. సూపర్ స్టార్ కృష్ణ ఏం చేశారంటే

తెలుగు సినిమా చరిత్రలో చెరిగిపోని స్థానం సంపాదించుకున్న నటుల్లో సూపర్ స్టార్ కృష్ణ ఒకరు. తెలుగు సినిమాల్లో ఆయన ఓ శిఖరం.. ఎన్నో అద్భుతాలు సృష్టించారు. ఎలాంటి బ్యాగ్రౌండ్ లేకుండా వచ్చి ఇండస్ట్రీని షేక్ చేశారు కృష్ణ. బుర్రిపాలే అనే గ్రామం నుంచి వచ్చిన కృష్ణ రికార్డుల రారాజుగా పేరు తెచ్చుకున్నారు. నాగేశ్వరావు క్రేజ్ చూసి తాను కూడా ఎలాగైనా హీరో కావాలని అని కసితో ఇండస్ట్రీలోకి అడుగుపెట్టారు కృష్ణ. దాదాపు 350కు పైగా సినిమాల్లో నటించి చరిత్ర సృష్టించారు. కృష్ణ ఒకే ఏడాదిలో 18 సినిమాల్లో నటించారు. ఇది ఆయన కెరీర్‌లోని ఒక రికార్డు. 1972లో ఆయన 18 సినిమాలు విడుదలయ్యాయి. కెరీర్ లో ఎన్నో సూపర్ హిట్స్ అందుకున్న కృష్ణ.. అనేక ప్రయోగాత్మక చిత్రాల్లోనూ నటించి ఆకట్టుకున్నారు.

ఇది కూడా చదవండి :ఇదెక్కడి మేకోవర్ మావ..! అల్లుఅర్జున్ వరుడు హీరోయిన్ గుర్తుందా.? ఇప్పుడు సినిమాలు మానేసి

కృష్ణ చేయని పాత్ర లేదు అని అతిశయోక్తి కాదు.. ఈనాడు, సింహాసనం, మోసగాళ్లకు మోసగాడు, అమ్మదొంగా ఇలా ఎన్నో డిఫరెంట్ జోనర్స్ లో సినిమాలు చేసి మెప్పించారు. ఎన్టీఆర్, ఏ ఎన్ ఆర్ లాంటి దిగ్గజాలు ఉన్నప్పటికీ కృష్ణ తన నటనతో కోట్లమంది అభిమానులను సొంతం చేసుకున్నారు. అప్పటిలో కృష్ణ సినిమా వస్తుందంటే చాలు జనాలు ఎడ్లబండ్లు, ట్రాకర్స్ వేసుకొని మరీ వెళ్లేవారు. సూపర్ స్టార్ కృష్ణను ఇండస్ట్రీలో దేవుడు అని పిలుస్తుంటారు. నిర్మాతల పాలిట నిజంగానే కృష్ణ దేవుడు. అలాగే దర్శకులను కూడా ఆయన చాలా ఎంకరేజ్ చేసేవారు. తాజాగా నటుడు మురళీ మోహన్ ఓ ఇంటర్వ్యూలో మాట్లాడుతూ.. కృష్ణ గురించి ఆసక్తికర విషయాలను పంచుకున్నారు.

ఇది కూడా చదవండి : ఛీ ఛీ.. ఇదేం సినిమారా బాబు..! వయసులో ఉన్న భార్య, ముసలి భర్త.. మధ్యలో మరో వ్యక్తి

ఆయన మాట్లాడుతూ.. కృష్ణ అల్లూరి సీతారామరాజు సినిమా చేస్తానంటే.. ఎన్టీఆర్ వద్దు అన్నారు. సినిమా కమర్షియల్ గా హిట్ అవ్వదు వద్దు అన్నారు.. అయినా కృష్ణ వినలేదు.. అల్లూరి సీతారామరాజు సినిమా మొదలు పెట్టగానే డైరెక్టర్ వి. రామచంద్రరావు గుండెపోటు వచ్చింది. ఆయనను వెంటనే వైజాగ్ లో ఆసుపత్రికి తీసుకెళ్లారు. అయితే మీకు ఏం కాదు జాగ్రత్తగా ఉండండి మీరు వచ్చేవరకు సినిమాను నేను డైరెక్ట్ చేస్తా.. మీరు పూర్తిగా తగ్గే వరకు రెస్ట్ తీసుకోండి అని చెప్పి ఆయన హాస్పటల్ కు పంపించారు. కానీ ఆయన చనిపోయారు.. కానీ కృష్ణగారు సినిమా రిలీజ్ అయిన తరువాత దర్శకుడిగా వి. రామచంద్రరావు పేరే వేశారు. సినిమా రిలీజ్ తర్వాత డైరెక్టర్ గా ఆయనకు ఇవ్వాల్సిన రెమ్యునరేషన్ ను కూడా ఇంటికి పంపించారు కృష్ణ.. అందుకే ఆయనను దేవుడు అంటారు అని మురళీ మోహన్ చెప్పుకొచ్చారు.

ఇది కూడా చదవండి : అప్పట్లో ఊపేసిన హీరోయిన్.. అందరితో నటించింది.. కానీ నాగార్జునను మాత్రం రిజెక్ట్ చేసింది

మరిన్ని సినిమా వార్తల కోసం ఇక్కడ క్లిక్ చేయండి.