పసుపు, పండిన బొప్పాయిలు పోషకాలతో సమృద్ధిగా ఉంటాయి. రుచికరంగా ఉండటమే కాకుండా, ఆరోగ్య పరంగా కూడా చాలా ప్రయోజనకరంగా ఉంటాయి. బొప్పాయిలో విటమిన్లు, ఫైబర్, ఖనిజాలు ఉంటాయి. ఇవి శరీరానికి మంచి పోషకాలను అందిస్తాయి.
ఈ బొప్పాయి పండును ప్రతిరోజూ తినడం వల్ల ఊబకాయం నియంత్రణలో ఉంటుంది. మధుమేహం, గుండె జబ్బులు, క్యాన్సర్ ఉన్నవారికి బొప్పాయి అమృతం లాంటిదని ఆరోగ్య నిపుణులు చెబుతున్నారు. అయితే, కొన్ని వ్యాధులతో బాధపడుతున్న రోగులకు బొప్పాయి విషంతో సమానమని చెబుతారు. కాబట్టి ఎవరు ఈ పండు తినకూడతో చూద్దాం.
కిడ్నీలో రాళ్లు ఉన్నవారు: కిడ్నీలో రాళ్లు ఉన్నవారు బొప్పాయికి ఎంత దూరంగా ఉంటే అంత మంచిది. ఎందుకంటే బొప్పాయిలో విటమిన్ సి ఉంటుంది. ఇది కిడ్నీలో రాళ్ల సమస్య మరింత పెంచుతుందని నిపుణులు చెబుతున్నారు.కాబట్టి కిడ్నీ సమస్యలు ఉన్నవారికి బొప్పాయి మంచిది కాదు.
స్లో హార్ట్బీట్ ఉన్నవారు: గుండె జబ్బులను నియంత్రించడంలో బొప్పాయి ఎంతో ప్రభావవంతంగా పనిచేస్తుంది. కానీ హార్ట్బీట్ ఎక్కువగా, లేదా తక్కువగా ఉన్న వ్యక్తులు ఈ పండు తినే ముందు కచ్చితంగా వైద్యులను సంప్రదించాల్సి ఉంటుంది. ఎందుకంటే బొప్పాయిలోని కొన్ని పోషకాలు హృదయ స్పందన రేటుతో సమస్యలను కలిగిస్తాయి. కాబట్టి ఈ సమస్యలు ఉన్నవారు బొప్పాయికి దూరంగా ఉండండి
గర్భిణీలు: గర్భిణీలు బొప్పాయికి కాస్త దూరంగా ఉండడం మంచింది. ఎందుకంటే ఇది ప్రసవానికి ముందు ప్రమాదాన్ని పెంచుతుంది. అలాగే దానిలోని కొన్ని పదార్థాలు ప్రసవ నొప్పులను ప్రేరేపిస్తాయి. కాబట్టి గర్బిణీలు కేవలం వైద్యుల సలహా మేరకు మాత్రమే బొప్పాయిని తినండి. (Note: పైన పేర్కొన్న అంశాలు కేవలం ఇంటర్నెట్ , నివేదికల ఆధారంగా మాత్రమే అందించబడినవి..వీటినీ TV9 దృవీకరించట్లేదు)
