కొందరు డైట్ ఫాలో చేసేవారు రాత్రిపూట భోజనంగా ఏం తీసుకోవాలి అని తెగ ఆలోచిస్తూ ఉంటారు. డిన్నర్ కోసం భోజనం చేయడం మంచిదా.. చపాతీ మంచిదా అని సంకోచిస్తూ ఉంటారు. ఈ విషయంలో నిపుణులేమంటున్నారంటే..రాత్రి భోజనంలో ఏది ఎంచుకోవాలనేది వ్యక్తి శారీరక శ్రమ, ఆరోగ్య పరిస్థితులు మరియు ప్రాంతీయ అలవాట్లపై ఆధారపడి ఉంటుందని వైద్యులు చెబుతున్నారు. ఢిల్లీలోని ఎయిమ్స్ మరియు గంగారామ్ హాస్పిటల్ నిపుణులు దీనిపై కీలక సూచనలు చేశారు. ఎక్కువ శారీరక శ్రమ చేసేవారికి అన్నం త్వరగా శక్తినిస్తుంది. అయితే, అన్నం తినేటప్పుడు కూరగాయలు, పప్పు లేదా పెరుగును అధికంగా తీసుకోవడం వల్ల దాని గ్లైసెమిక్ ఇండెక్స్ తగ్గుతుంది. దీనివల్ల రక్తంలో చక్కెర స్థాయిలు నెమ్మదిగా పెరుగుతాయి. ఆశ్చర్యకరమైన విషయం ఏమిటంటే, వండిన అన్నాన్ని ఫ్రిజ్లో ఉంచి తింటే, అందులోని పిండి పదార్థం ఫైబర్గా మారి ఆరోగ్యానికి మేలు చేస్తుందని డైటీషియన్లు పేర్కొంటున్నారు. ఎక్కువ సమయం కూర్చుని పని చేసేవారు, అలాగే, బరువు తగ్గాలనుకునే వారు రోటీని ఎంచుకోవడం మంచిదంటున్నారు. ఇందులో ఉండే అధిక ఫైబర్ వల్ల కడుపు నిండిన అనుభూతిని కలిగిస్తుంది. డయాబెటిస్ రోగులకు పీచుపదార్థం ఎక్కువగా ఉండే రోటీ ఉత్తమ ఎంపిక అంటున్నారు. పిండిలో ఆకుకూరలు కలపడం ద్వారా రోటీ పోషక విలువలను మరింత పెంచవచ్చని నిపుణులు సూచిస్తున్నారు. మనం చిన్నప్పటి నుండి తిన్న ఆహారమే మన శరీరానికి సులభంగా జీర్ణమవుతుంది. దక్షిణ భారతీయులకు అన్నం, కశ్మీరీలకు వరి ప్రధాన ఆహారం. అయితే డయాబెటిస్ ఉన్నవారు అన్నం తినాలనుకుంటే, ప్యాంక్రియాస్పై ఒత్తిడి పడకుండా తగు జాగ్రత్తలతో తీసుకోవాలంటున్నారు. అతిగా తినకుండా, తగినన్ని కూరగాయలను జత చేస్తూ సమతుల్యంగా ఏ ఆహారం తీసుకున్నా అది ఆరోగ్యానికి మేలు చేస్తుంది. ఈ సమాచారం కేవలం అవగాహన కోసం మాత్రమే. వీటిని అనుసరించేముందు వైద్య నిపుణులను సంప్రదించి, వారి సలహా తీసుకోవడం మంచిది.
మరిన్ని వీడియోల కోసం ఇక్కడ క్లిక్ చేయండి
Also Watch:
పెళ్లికి కుటుంబ సమేతంగా విచ్చేసిన రారాజు.. అతిథులు భయంతో..
రైతును పెళ్ళాడితే రూ.10 లక్షలు.. అంతే కాకుండా
విద్యార్థులపై హెడ్ మాస్టర్ ప్రతాపం.. విచక్షణ లేకుండా అలా ఎలా చేశారు సర్
ఎన్నో పాములను పట్టి ఎందరినో కాపాడాడు.. చివరికి..
జబర్దస్త్ నటుడికి దారుణ అనుభవం.. లేడీ అనుకుని పొలాల్లోకి లాక్కెళ్లి మరీ
