తెలంగాణ తొలి ముఖ్యమంత్రి, బీఆర్ఎస్ పార్టీ అధినేత కేసీఆర్ 72వ పుట్టినరోజు వేడుకలు రాష్ట్రవ్యాప్తంగా ఘనంగా జరిగాయి. కేసీఆర్ ఎల్లప్పుడూ ఆయురారోగ్యాలతో నిండు నూరేళ్లూ సంతోషంగా ఉండాలని కోరుకుంటూ అభిమానులు, పార్టీ శ్రేణులు ప్రత్యేక పూజలు చేశారు. మరీ ముఖ్యంగా ఎర్రవల్లి ఫామ్హౌజ్లో పండుగ వాతావరణం నెలకొంది. ఫామ్హౌజ్ చుట్టూ పక్కల మొత్తం కేసీఆర్ ఫ్లెక్సీలతో నిండిపోయింది. తన పుట్టినరోజున శుభాకాంక్షలు చెప్పడానికి ఫామ్హౌజ్కు వచ్చిన ప్రతిఒక్కరిని కేసీఆర్ కలిశారు. అందరిని ఆప్యాయంగా పలకరించారు. సుమారు 10వేల మందితో కేసీఆర్ ఫోటో దిగారు.
హైదరాబాద్లోని తెలంగాణ భవన్లోనూ అభిమానులు భారీ కేక్ను కట్ చేసి తమ నాయకుడిపై ఉన్న అభిమానాన్ని చాటుకున్నారు. రాష్ట్రవ్యాప్తంగా వివిధ ప్రాంతాల్లో అన్నదానాలు, రక్తదాన శిబిరాలు వంటి సేవా కార్యక్రమాలు కూడా కేసీఆర్ జన్మదినం సందర్భంగా జోరుగా సాగాయి.
వీడియో చూడండి..
ఈ అభిమానం నీకు సొంతం #KCR గారు🥺🙏#TelanganajathipithaKCR pic.twitter.com/2pLjxqz5iW
— Nagesh Naik (@NageshBRSV) February 17, 2026
రాజకీయాలకు అతీతంగా కేసీఆర్కు సినీ, రాజకీయ ప్రముఖులు పుట్టినరోజు శుభాకాంక్షలు తెలిపారు. సీఎం రేవంత్ రెడ్డి సహా.. అన్ని రాజకీయ పార్టీల నేతలు శుభాకాంక్షలు తెలిపారు.
మరిన్ని తెలంగాణ వార్తల కోసం ఇక్కడ క్లిక్ చేయండి..
