బంగారం ధరలు ఒక్కసారిగా మారాయి. గంట్లోనే రేట్లు తారుమారయ్యాయి. ఉదయం గోల్డ్ రేట్లు స్వల్పంగానే తగ్గగా.. స్టాక్ మార్కెట్లు ప్రారంభం కాగానే ధరల్లో ఊహించని మార్పులు చోటుచేసుకున్నాయి. గోల్డ్, సిల్వర్ ధరలు భారీగా పతనమయ్యాయి. ఢమాల్ అంటూ ఒక్కసారి పడిపోయాయి. అంతర్జాతీయ పరిస్థితులు, డాలర్ బలపడుతుండటంతో పసిడి ధరలు తగ్గుతున్నాయి
బంగారం ధర ఒకేసారి రూ.1530 తగ్గింది. హైదరాబాద్లో ప్రస్తుతం 10 గ్రాముల 24 క్యారెట్ల స్వచ్చమైన మేలిమి బంగారం రూ.1,54,910 పలుకుతోంది. ఉదయం ఈ ధర రూ.1,56,440గా ఉండగా.. గంటల వ్యవధిలోనే ఏకంగా రూ.1530 తగ్గింది. ఇక నగరంలో 22 క్యారెట్ల గోల్డ్ రేటు రూ.1,42,000గా కొనసాగుతోంది.
విజయవాడ, విశాఖపట్నంలో కూడా పై ధరలే కొనసాగుతున్నాయి. ఇక చెన్నై విషయానికొస్తే.. 24 క్యారట్ల బంగారం ధర రూ.1,56,220 వద్ద కొనసాగుతోంది. నిన్న ఈ ధర రూ.1,57,530 వద్ద ఉంది. నిన్నటితో పొలిస్తే రూ.1310 ఇవాళ తగ్గిందని చెప్పవచ్చు. ఇక 22 క్యారెట్లు చూస్తే రూ.1,43,200గా పలుకుతోంది.
ఇక దేశ రాజధాని ఢిల్లీలో 10 గ్రాముల 24 క్యారెట్ల ప్యూర్ గోల్డ్ రేటు రూ.1,55,060 వద్ద కొనసాగుతోండగా.. నిన్న రూ.1,56,590 వద్ద స్థిరపడింది. నిన్నటితో పోల్చుకుంటే రూ.1530 మేర తగ్గింది. ఇక 22 క్యారెట్ల ధర రూ.1,42,150 పలుకుతోంది. సోమవారం ఈ ధర రూ.1,43,550 వద్ద ఉండేది
అటు వెండి ధర మంగళవారం కేజీపై రూ.8 వేలు తగ్గింది. ప్రస్తుతం ఢిల్లీలో కేజీ సిల్వర్ రూ.2.60 లక్షలుగా ఉంది. నిన్న ఈ ధర రూ.2.68 లక్షల వద్ద స్థిరపడింది. ఇక హైదరాబాద్లో కేజీ వెండి ధర రూ.2.65 లక్షల వద్ద కొనసాగుతోంది.
