భారత ఆర్థిక, నీతి శాస్త్ర పితామహుడిగా పేరొందిన చాణక్యుడు మానవుడు తన జీవితంలో ఎదుర్కొంటున్న అనేక సమస్యలకు పరిష్కారం చూపాడు. చాణక్య నీతి కేవలం చరిత్ర పాఠం కాదు, అది జీవితాన్ని అర్థం చేసుకోవడానికి, విజయం సాధించడానికి ఒక మార్గదర్శి. ఈ రెండు పదాలు ఎంతో మందికి స్ఫూర్తినిస్తాయి. చాణక్యుడు కింగ్ మేకర్ అయినప్పటికీ.. బోధన పట్ల తనకున్న అంకితభావాన్ని ఎన్నడూ వదులుకోలేదు. రాజకీయాలు, నాయకత్వంలో ఎంతో మంది విద్యార్థులకు శిక్షణ ఇచ్చారు. ఆయన తెలివి, అనుభవం భవిష్యత్ తరాలకు అందాలనే ఉద్దేశ్యంతో ఎన్నో పుస్తకాలు రచించారు.
మనిషి జీవితంలో అవసరమైనవి..
చాణక్య నీతి ప్రకారం.. ప్రతి మనిషి తన జీవితంలో ధర్మ, అర్థ, కామ, మోక్ష అనే నాలుగు విషయాలను సాధించాలి. ధర్మం అంటే నీతితో, నిజాయితీగా తన బాధ్యతలను నిర్వర్తించడం. సమాజం అవినీతితో నిండినప్పుడు అది నరకంతో సమానం అని చాణక్యుడు పేర్కొన్నారు. అర్థం అంటే వృత్తి, జీవనశైలి, ఆర్థిక భద్రత. ఇవి విజయవంతమైన జీవితానికి అవశ్యకాలు. కామం అంటే కోరికలు. ఇవి ధర్మాన్ని అతిక్రమించకుండా ఉంటే వాటిని తీర్చుకోవడం ముఖ్యం. ఈ మూడింటిని సక్రమంగా పాటిస్తే మోక్షం లభిస్తుంది.
గొప్పతనం వ్యక్తి స్థానం కాదు..
మనిషికి అత్యంత విలువైన మూడు విషయాలు నీరు, ఆహారం, మంచి మాటలు. వీటిని ఎప్పుడూ వృథా చేయకూడదు. నీటి వనరులను, పంట భూములను సంరక్షించుకోవాలి. మంచి మాటలు ప్రజలను ప్రభావితం చేయగలవు, సమాజంలో చిన్నపాటి చైతన్యాన్ని తీసుకురాగలవు. ఒక మనిషి గొప్పతనాన్ని అతని స్థానం కాకుండా, అతని శీలం, వ్యక్తిత్వం నిర్ణయిస్తాయి. ఒక కాకి రాజభవనంపై కూర్చున్నంత మాత్రాన గరుడ పక్షి కంటే గొప్పది కాదని చాణక్యుడు ఉదాహరించారు.
మనిషి ఎదుగుదలకు పరీక్షలు..
ఒక వ్యక్తిని పరీక్షించడానికి చాణక్యుడు నాలుగు మార్గాలను సూచించారు. బంగారాన్ని పరీక్షించినట్లుగానే మనిషిని కూడా పరీక్షిస్తారు. అవి: ఆత్మత్యాగం (తాను అనుకున్నది సాధించడానికి సుఖాలను త్యాగం చేయడం), ప్రవర్తన (కష్టాల్లో కూడా ప్రలోభపడకుండా సమన్వయంతో ఉండటం), విలువలు (ఎంత ఎదిగినా తన విలువలను మర్చిపోకుండా ఉండటం), కర్మలు (తన ఆలోచనలను ప్రతిబింబించే చర్యలు). ఈ నాలుగు పరీక్షలు మనిషి ఎదుగుదలకు తోడ్పడతాయి.
విజయం రావాలంటే..
జ్ఞానం, ధనం నెమ్మదిగా, స్థిరంగా వస్తాయి. చిన్న నీటి బిందువులతో సముద్రం ఏర్పడినట్లుగా, నిరంతర శ్రమ ద్వారా విజయం లభిస్తుంది. ప్రతిరోజూ చేసే చిన్నపాటి కృషి కూడా లక్ష్యం వైపు నడిపిస్తుంది. ఆటంకాలు, వైఫల్యాలు ఎదురైనా వదలకుండా ముందుకు సాగాలి. చరిత్ర రాజుల పేర్లను మర్చిపోవచ్చు, కానీ చాణక్యుడు చేసిన గొప్ప పనులు, చెప్పిన గొప్ప మాటలు అతన్ని ఇప్పటికీ గుర్తుంచుకునేలా చేశాయి. ఆయన యుద్ధం చేయకుండా మాటలతోనే గెలిచారు.
అదృష్టం కోసం ఎదురుచూడొద్దు..
భయాన్ని అధిగమించడానికి చాణక్యుడు కొన్ని చిట్కాలు అందించారు. పేదవాడిగా పుట్టడం తప్పు కాదు, కానీ పేదవాడిగా చనిపోవడం తప్పు. ధీరూభాయ్ అంబానీ వలె కష్టపడితే, పేదరికం నుంచి బయటపడవచ్చు. వివాదాల్లో అరిచేవారి కంటే, నిశ్శబ్దంగా ఉండి సరైన సమాధానం చెప్పేవారు సమస్యలను పరిష్కరించగలరు. భయాన్ని పోగొట్టాలంటే అప్రమత్తంగా, పూర్తి స్పృహతో విషయాలను గమనించాలి. నిర్లక్ష్యంగా ఉండేవారు విఫలమై భయపడతారు. పేదరికాన్ని కష్టంతో, గొడవలను మౌనంతో, భయాన్ని అప్రమత్తతతో పోగొట్టుకోవాలి. అదృష్టం కోసం ఎదురు చూడకుండా, భవిష్యత్తు కోసం సిద్ధంగా ఉండేవారు ఎప్పుడూ సానుకూల దృక్పథంతో ఉండి అవకాశాలను అందిపుచ్చుకుంటారు అని చాణక్యడు స్పష్టం చేశాడు.
(Disclaimer: ఈ వార్తలోని సమాచారం జ్యోతిష్యం, మత విశ్వాసాలపై ఆధారపడి ఉంది. పాఠకుల ఆసక్తి మేరకు అందించడం జరిగింది. దీనిని సంస్థ ధృవీకరించదు.)
