150కి పైగా చిత్రాలలో నటించిన చిరంజీవి సామర్థ్యంపై ఎవరికీ సందేహం లేదు. అయితే, ఆయనలోని గొప్ప నటుడిని సరిగ్గా వాడుకోవడంలో ఇటీవల కాలంలో కొందరు దర్శకులు విఫలమయ్యారనే వాదన ఉంది. కేవలం మాస్ ఇమేజ్ను మాత్రమే ప్రదర్శిస్తున్నారు తప్ప, నటుడిగా ఆయన లోతైన కోణాలను ఆవిష్కరించడం లేదనేది మెగా అభిమానుల ప్రధాన ఆవేదన. ఈ లోటును పూరించడానికి చిరంజీవి తన రాబోయే చిత్రాలపై మరింత శ్రద్ధ చూపుతున్నారు. దర్శకుడు వశిష్ట తెరకెక్కిస్తున్న విశ్వంభర చిత్రంలో చిరంజీవి నట విశ్వరూపాన్ని చూడవచ్చని తెలుస్తోంది. ఈ చిత్రంలో ఆపద్భాంధవుడు సినిమాలో శివలింగాన్ని చేత్తో పట్టుకుని చిరంజీవి చేసిన అద్భుతమైన నటనను గుర్తుచేసే ఒక సీక్వెన్స్ ఉంటుందని వశిష్ట వెల్లడించారు. ఈ వార్త మెగా అభిమానులలో ఉత్సాహాన్ని నింపుతోంది. అలాంటి శక్తివంతమైన నటనను మళ్లీ తెరపై చూసే అవకాశం రావడం వారికి పండుగ లాంటిదే.
మరిన్ని వీడియోల కోసం :
