హిందూ సంప్రదాయంలో అత్యంత పవిత్రమైన పర్వదినాల్లో ఒకటి మహా శివరాత్రి. 2026లో మహా శివరాత్రి సందర్భంగా గ్రహస్థితులు విశేషమైన మార్పులను సూచిస్తున్నాయని జ్యోతిష్య నిపుణులు చెబుతున్నారు. ముఖ్యంగా ఈసారి శివరాత్రి రోజున ఏర్పడుతున్న శుభయోగాలు కొన్ని రాశుల వారికి ఆకస్మిక ధనలాభం, కెరీర్లో ఎదుగుదల, వ్యాపారాభివృద్ధి వంటి శుభఫలితాలను అందించనున్నాయి. ఈ మహా శివరాత్రి ప్రభావంతో ప్రత్యేకంగా లాభపడే 5 రాశుల గురించి ఇప్పుడు తెలుసుకుందాం.
1. వృషభ రాశి
వృషభ రాశి వారికి ఈ శివరాత్రి నుంచి ఆర్థిక పరిస్థితుల్లో గణనీయమైన మెరుగుదల కనిపించవచ్చు.
వీరికి అప్రతిహత ధనలాభం ఉంటుంది. పెట్టుబడుల ద్వారా మంచి రాబడులు, ఉద్యోగంలో ప్రమోషన్ అవకాశాలు ఉన్నాయి. ఈ రాశి వారు శివార్చన, రుద్రాభిషేకం చేస్తే మరింత శుభఫలితాలు పొందే అవకాశం ఉంది.
2. సింహ రాశి
సింహ రాశి వారికి నాయకత్వ గుణాలు మరింత మెరుగుపడే కాలం ఇది. వ్యాపారంలో కొత్త ఒప్పందాలు చేసుకుంటారు. ప్రభుత్వ సంబంధిత పనుల్లో విజయం సాధిస్తారు. పేరు, ప్రతిష్ట పెరుగుదల ఉంటుంది. ఈ రోజున ఉపవాసం చేసి శివాలయ దర్శనం చేయడం మంచిది.
3. తులా రాశి
తులా రాశి వారికి భాగ్యస్థానం బలపడుతుంది. విదేశీ అవకాశాలు ఉన్నాయి. కోర్టు వ్యవహారాల్లో అనుకూల తీర్పులు పొందుతారు. కుటుంబంలో సంతోషకర వాతావరణం ఉంటుంది. వీరికి శివపార్వతుల పూజ ప్రత్యేక ఫలితాలను ఇస్తుంది.
4. ధనుస్సు రాశి
ధనుస్సు రాశి వారికి కెరీర్లో పెద్ద మలుపు తిరిగే సమయం. కొత్త ఉద్యోగ అవకాశాలు పొందుతారు.
ఉన్నత స్థానానికి పదోన్నతి లభించే అవకాశం ఉంది. వ్యాపార విస్తరణకు చాలా మంచి సమయం. వీరికి ఏది చేపట్టినా సానుకూల ఫలితాలు వస్తాయి. ఓం నమః శివాయ జపం చేయడం ద్వారా గ్రహదోషాలు తగ్గుతాయి.
5. మీన రాశి
మీన రాశి వారికి ఆధ్యాత్మికంగా, ఆర్థికంగా రెండూ లాభదాయకమైన కాలం. ఆస్తి సంబంధిత లాభాలు అందుకుంటారు. పాత బాకీలు తిరిగి పొందడంతో ఆర్థిక పరిస్థితి మెరుగుపడుతుంది. కుటుంబంలో శుభకార్యలు జరిగే అవకాశం ఉంది. శివరాత్రి నాడు రాత్రి జాగారం, భక్తిశ్రద్ధలతో శివరాధన చేయడం మరింత శుభప్రదం.
శివరాత్రి ప్రత్యేక పరిహారాలు
బిల్వదళాలతో శివార్చన
పాలు, తేనెతో అభిషేకం
పేదలకు అన్నదానం
రాత్రి జాగారం చేసి శివనామస్మరణ
అయితే, జ్యోతిష్య ఫలితాలు వ్యక్తిగత జన్మకుండలి ఆధారంగా మారవచ్చు. పూర్తి ఫలితాల కోసం నిపుణుడిని సంప్రదించడం ఉత్తమం. శివకృప మీపై ఎల్లప్పుడూ ఉండాలి.
(Disclaimer: ఈ వార్తలోని సమాచారం మత సంబంధమైన అంశాలపై ఆధారపడి ఉంది. పాఠకుల ఆసక్తి మేరకు అందించడం జరిగింది. దీనిని టీవీ9 తెలుగు ధృవీకరించదు.)
