అదే ‘యాంటీ వాలెంటైన్స్ వీక్’. వాలెంటైన్స్ డే ముగిసిన మరుసటి రోజు అంటే ఫిబ్రవరి 15 నుంచి ఈ వేడుకలు మొదలవుతాయి. ఇది ప్రేమను ద్వేషించడం కోసం కాదు, మిమ్మల్ని మీరు ప్రేమించుకోవడం కోసం.. గతాన్ని వదిలిపెట్టి కొత్తగా జీవితాన్ని ప్రారంభించడం కోసం జరుపుకునే వారం. మరి ఈ వారంలో ఏ రోజుకు ఏ ప్రాముఖ్యత ఉందో, యువత ఎందుకు దీనికి ఇంతలా కనెక్ట్ అవుతున్నారో వివరంగా తెలుసుకుందాం..
కృత్రిమమైన ప్రేమ వేడుకలను ఇష్టపడని వారు ఈ వారాన్ని ఎంజాయ్ చేస్తారు. ముఖ్యంగా బ్రేకప్ తర్వాత బాధలో ఉండేవారు, తమ ఆత్మగౌరవాన్ని కాపాడుకుంటూ ముందుకు సాగడానికి ఈ రోజులు ఒక మానసిక ఊరటనిస్తాయి. నెగటివిటీని తరిమికొట్టి, స్వతంత్రంగా ఉండటాన్ని సెలబ్రేట్ చేసుకోవడమే దీని ముఖ్య ఉద్దేశం.
యాంటీ వాలెంటైన్స్ వీక్
స్లాప్ డే – ఫిబ్రవరి 15
ఇది ఎవరినో శారీరకంగా కొట్టడం గురించి కాదు. మిమ్మల్ని బాధించిన చేదు జ్ఞాపకాలకు, మిమ్మల్ని తక్కువ చేసిన వ్యక్తులకు ప్రతీకాత్మకంగా ఒక ‘చెంప దెబ్బ’ కొట్టి గతాన్ని వదిలేయడం. మీ ఆత్మగౌరవం కోసం నిలబడటమే ఈ రోజు ఉద్దేశం.
కిక్ డే – ఫిబ్రవరి 16
మీ జీవితం నుంచి నెగటివిటీని, నకిలీ స్నేహితులను, భారంగా మారిన బంధాలను తన్ని తరిమేయడమే ఈ రోజు ప్రత్యేకత. నొప్పిని ఇచ్చే జ్ఞాపకాల కంటే మనశ్శాంతే ముఖ్యం అని ఈ రోజు గుర్తు చేస్తుంది.
పెర్ఫూమ్ డే – ఫిబ్రవరి 17
పరిమళం మనసుకు కొత్త ఉత్సాహాన్ని ఇస్తుంది. మీకు ఇష్టమైన పెర్ఫ్యూమ్ ధరించి, పాజిటివ్ ఆలోచనలతో కొత్త జీవితాన్ని ప్రారంభించడానికి ఇది చిహ్నం. మీ వ్యక్తిత్వాన్ని కొత్తగా ఆవిష్కరించుకోవడానికి ఈ రోజు నాంది పలుకుతుంది.
ఫ్లర్ట్ డే – ఫిబ్రవరి 18
ఎలాంటి ఎమోషనల్ ఒత్తిడి లేకుండా ఇతరులతో సరదాగా మాట్లాడటం, ఆత్మవిశ్వాసాన్ని పెంచుకోవడం ఈ రోజు ఉద్దేశం. లైఫ్ ను సీరియస్ గా కాకుండా హ్యాపీగా ఎంజాయ్ చేయాలని ఇది చెబుతుంది.
కన్ఫెషన్ డే – ఫిబ్రవరి 19
మనసులో దాచుకున్న నిజాలను బయటపెట్టడం వల్ల భారం తగ్గుతుంది. ఎవరికైనా ఏదైనా చెప్పాలన్నా లేదా మీ తప్పులను ఒప్పుకోవాలన్నా ఈ రోజు సరైన సమయం. దీనివల్ల మానసిక ప్రశాంతత లభిస్తుంది.
మిస్సింగ్ డే – ఫిబ్రవరి 20
ఒక వ్యక్తిని లేదా గతాన్ని మిస్ అవ్వడం సహజం. ఆ బాధను అణచుకోకుండా, అనుభూతి చెంది.. దాన్ని అధిగమించడానికి ఈ రోజు ప్రయత్నించాలి. గతం నుంచి కోలుకోవడానికి ఇది ఒక మెట్టు.
బ్రేకప్ డే – ఫిబ్రవరి 21
యాంటీ వాలెంటైన్స్ వీక్ లో చివరి రోజు. బాధాకరమైన బంధాలకు పూర్తిస్థాయిలో ముగింపు పలికి, స్వీయ ప్రేమతో సరికొత్త ప్రయాణాన్ని మొదలుపెట్టడమే ఈ రోజు సందేశం.
ఎందుకు జరుపుకోవాలి?
చాలామంది తమ మానసిక ఆరోగ్యం కోసం, బ్రేకప్ పెయిన్ నుంచి బయటపడటం కోసం ఈ వారాన్ని ఎంచుకుంటారు. స్నేహితులతో సమయం గడపడం, పర్సనల్ గోల్స్ పై దృష్టి పెట్టడం, మనల్ని మనం ప్రేమించుకోవడం వంటి పనులు ఈ వారంలో చేయాలి. రిలేషన్షిప్ లో లేకపోయినా మనం హ్యాపీగా ఉండగలమని నిరూపించడమే ఈ వారం ఇచ్చే అసలైన కిక్. యాంటీ వాలెంటైన్స్ వీక్ అనేది కేవలం సరదా కోసం మాత్రమే కాదు, అది ఒక ఎమోషనల్ హీలింగ్ ప్రాసెస్. ప్రేమ కంటే ఆత్మగౌరవం, మనశ్శాంతి గొప్పవని నమ్మే ప్రతి ఒక్కరికీ ఈ వారం ఒక పండగ లాంటిది.
