జ్యోతిష్య శాస్త్రం ప్రకారం గ్రహాల సంచారం నిరంతరంగా జరుగుతూ ఉంటుంది. గ్రహాలు ఆయా రాశులు, నక్షత్రాల గుండా ప్రయాణించడం వల్ల ద్వాదశ రాశులపై ప్రభావం ఉంటుంది. తాజాగా, శక్తివంతమైన గ్రహంగా చెప్పుకునే శని సంచారంలో మార్పులు చోటు చేసుకుంటున్నాయి. నెమ్మదిగా కదిలే శని గ్రహం తన గమనాన్ని పూర్తి చేసుకోవడానికి 30 ఏళ్లు పడుతుంది. ఈ 30 సంవత్సరాలలో శని మొత్తం 27 నక్షత్రాల గుండా ప్రయాణిస్తుంది. శని దేవుడి యొక్క రాశి మార్పు మాత్రమే కాకుండా, నక్షత్ర మార్పు కూడా జ్యోతిష్యంలో అత్యంత ప్రాముఖ్యమైనదిగా పరిగణించబడుతుంది. ఈ మార్పులు రాశిచక్రంలోని అన్ని రాశుల జీవితాల్లో ప్రభావం చూపుతాయని నమ్మకం.
శని ఉత్తరాది నక్షత్రం నుంచి రేవతి నక్షత్రానికి మారే సందర్భంలో కొన్ని రాశులకు ప్రత్యేక శుభఫలితాలు కలుగుతాయి. మే 17న ఈ నక్షత్ర మార్పు జరగనుంది. ఈ మార్పు వల్ల ఏ రాశులకు అదృష్టం కలిసివస్తుందో ఇప్పుడు తెలుసుకుందాం.
వృషభ రాశి
ఈ నక్షత్ర మార్పు వృషభ రాశి వారికి స్థిరత్వం, ఆర్థిక లాభాలను అందించగలదు. వారి జీవితంలో సానుకూల మార్పులు కనిపిస్తాయి. మాటతీరు మృదువుగా ఉండటం వల్ల సమాజంలో మంచి పేరు తెచ్చుకుంటారు. ఉద్యోగ రంగంలో ఊహించని గుర్తింపు, ప్రమోషన్లు, జీతంలో వృద్ధి అవకాశాలు ఉంటాయి. విదేశీ అవకాశాలు కూడా కలిసివచ్చే సూచనలు ఉన్నాయి. క్రమశిక్షణతో పని చేస్తే విజయావకాశాలు మరింత పెరుగుతాయి. ఆరోగ్య పరంగా కూడా అనుకూల కాలం.
కర్కాటక రాశి
శని సంచారం కర్కాటక రాశి వారికి శుభదాయకంగా ఉండే సూచనలు ఉన్నాయి. చాలా కాలంగా నిలిచిపోయిన పనులు పూర్తి కావచ్చు. ఉద్యోగస్తులకు పదోన్నతి, వేతనవృద్ధి అవకాశాలు ఉంటాయి. వ్యాపారవేత్తలు తమ వ్యాపారాన్ని విస్తరించే అవకాశం పొందవచ్చు. ముఖ్యంగా రియల్ ఎస్టేట్ రంగానికి చెందినవారికి లాభాల సూచనలు ఉన్నాయి. కుటుంబంతో ఆనందంగా గడిపే సమయం లభిస్తుంది. కొత్త ఆస్తులు కొనుగోలు చేసే అవకాశాలు ఉన్నాయి.
మకర రాశి
మకర రాశి వారికి ఈ కాలం కృషికి తగిన ఫలితాలను అందించే సమయం. ఆదాయం పెరగడం, కొత్త అవకాశాలు రావడం వంటి పరిణామాలు చోటుచేసుకోవచ్చు. ఉద్యోగార్థులకు శుభవార్తలు అందే అవకాశముంది. ఉద్యోగంలో గుర్తింపు, గౌరవం పెరుగుతుంది. పెట్టుబడులు లాభాలను ఇవ్వవచ్చు. స్నేహితుల సహకారంతో దీర్ఘకాలిక లక్ష్యాలు సాధ్యమవుతాయి. మొత్తం ఆర్థిక పరిస్థితి బలపడే సూచనలు కనిపిస్తున్నాయి.
మీన రాశి
మీన రాశి వారికి ఈ నక్షత్ర మార్పు అదృష్టాన్ని తీసుకురాగలదు. చేసే ప్రతి ప్రయత్నంలో సానుకూల ఫలితాలు కనిపిస్తాయి. దాంపత్య జీవితం ఆనందంగా ఉంటుంది. కుటుంబ వాతావరణం సుఖశాంతులతో నిండుతుంది. ఉద్యోగంలో మంచి ఫలితాలు, జీతవృద్ధి లేదా బోనస్ అవకాశాలు ఉన్నాయి. కొత్త ఉద్యోగం కోసం ప్రయత్నిస్తున్న వారికి మంచి అవకాశాలు లభించవచ్చు. వ్యాపార కారణాల వల్ల ప్రయాణాలు చేయాల్సి రావచ్చు. ఆరోగ్య పరంగా కూడా అనుకూల సమయం. గమనిక: ఇవి జ్యోతిష్య విశ్వాసాల ఆధారంగా చెప్పబడిన సాధారణ ఫలితాలు మాత్రమే. వ్యక్తిగత జాతకం ఆధారంగా ఫలితాలు మారవచ్చు.
(Disclaimer: ఈ వార్తలోని సమాచారం జ్యోతిష్య శాస్త్రం, మత విశ్వాసాలపై ఆధారపడి ఉంది. దీనిని టీవీ9 తెలుగు ధృవీకరించదు.)
