బార్బతి కర్రీ గురించి ఎప్పుడైనా విన్నారా? అదేనండి లాంగ్ బీన్స్ కూర. దీన్ని ఒకసారి చేసుకుని తింటే టేస్ట్ అద్భుతంగా ఉంటుంది. మరి, ఇంకెందుకు లేట్ దీనికి కావాల్సిన పదార్ధాలు, తయారీ విధానం గురించి ఇక్కడ తెలుసుకుందాం..
కావాల్సిన పదార్థాలు: బార్బతి లాంగ్ బీన్స్, ఉల్లిపాయ – 1, టొమాటోలు , ఒక టేబుల్ స్పూన్ అల్లం-వెల్లుల్లి పేస్ట్,
పచ్చిమిర్చి , తాలింపు గింజలు, ఒక టేబుల్ స్పూన్ కారం , పావు స్పూన్ పసుపు, రుచికి సరి పడినంత ఉప్పు, రెండు టీ స్పూన్స్ నూనె , కొత్తిమీర.
ముందుగా స్టవ్ వెలిగించి పాన్ పెట్టి ఆయిల్ వేసి అది వేడయ్యాక చేసి, దానిలో జీలకర్ర, మసాలా దినుసులు వేసి రంగు మారే వరకు బాగా వేయించాలి.
ఆ తర్వాత దానిలో ఉల్లిపాయలు ముక్కలు, పచ్చిమిర్చి, అల్లం వెల్లుల్లి పేస్ట్ వేసి రంగు మారే వరకు బాగా వేయించాలి. ఇక ఇప్పుడు ముందుగా కట్ చేసి పెట్టుకున్న బీన్స్ ముక్కలు, టొమాటోలు, పసుపు, ఉప్పు వేసి బాగా వేయించాలి.
బీన్స్ ఉడికే వరకు వరకు సన్నని మంటపై 20 నిముషాల పాటు ఉడికించాలి. మధ్యలో గరిటెతో ఒకసారి తిప్పి కారం, ధనియాల పొడి వేసి 5 నిమిషాల పాటు ఉంచి, చివర్లో ముందు కొత్తిమీర వేసి దించేయండి. అంతే, బార్బతి కర్రీ రెడీ.
