బెర్రీస్ : బెర్రీస్ ఆరోగ్యానికి చాలా మేలు చేస్తాయి. ముఖ్యంగా వీటిలో యాంటీ ఆక్సిడెంట్స్, విటమిన్ సి, పాలీ ఫెనాల్స్ వంటి పోషకాలు పుష్కలంగా ఉంటాయి. అందువలన వీటిని మీరు మీ డైట్లో చేర్చుకోవడం వలన ఇవి సహజంగానే మీ శరీరంలోని అదనపు యూరిక్ యాసిడ్ తగ్గించడానికి ఉపయోగపడతాయి. ముఖ్యంగా బెర్రీస్లలో నీటి శాతం ఎక్కువగా ఉండటం వలన ఇవి మూత్రం ద్వారా విషయాన్ని బయటకు పంపిస్తాయి. అందువలన తప్పకుండా వీటిని డైట్లో చేర్చుకోవాలంట.
సిట్రస్ పండ్లు : సిట్రస్ జాతికి చెందిన పండ్లు యూరిక్ యాసిడ్ను తగ్గించడంలో కీలక పాత్ర పోషిస్తాయి. వీటిలో విటమిన్ సి ఎక్కువగా ఉంటుంది. అందువలన నిమ్మ, నారిజ పండ్లను డైట్లో చేర్చుకోవడం వలన ఇవి మూత్ర పిండాల పనితీరును మెరుగు పరిచి, సహజంగానే శరీరంలోని యూరిక్ యాసిడ్ను తగ్గించడానికి ఉపయోగపడుతాయి. ముఖ్యంగా ఉదయాన్నే పరగడుపున నిమ్మకాయ నీరు తాగడం లేదా, మధ్యాహ్నం లంచ్ తర్వాత నారింజ పండ్లు తినడం వలన అదనపు ప్రయోజనం చేకూరుతుంది.
అరటి పండ్లు : అరటి పండ్లలో పొటాషియం పుష్కలంగా ఉంటుంది. అంతే కాకుండా చాలా మంది వీటిని ఎంతో ఇష్టంగా తింటారు. అయితే ప్రతి రోజూ ఒక అరటి పండు తినడం వలన శక్తి లభించడమే కాకుండా శరీరంలోని అధిక యూరిక్ యాసిడ్ కూడా తగ్గుతుందంట. అరటిలో పొటాషియం ఎక్కువగా ఉండటం వలన ఇది మూత్రపిండాల పనితీరును మెరుగు పరుస్తుంది, అలాగే ఇందులోని ప్యూరిన్, యూరిక్ యాసిడ్ విచ్ఛిన్నం అయ్యేలా చేస్తుంది.
చెర్రీస్ : చెర్రీస్ చాలా రుచిగా ఉండటమే కాకుండా ఇవి ఆరోగ్యానికి కూడా చాలా మంచిది. ముఖ్యంగా అధిక యూరిక్ యాసిడ్ను తగ్గించడంలో ఇవి కీలక పాత్ర పోషిస్తాయి. వీటిలో ఆంథోసైనన్లు ఫుష్కలంగా ఉండటం వలన ఇది కీళ్ల నొప్పుల, కాళ్ల వాపులు వంటి సమస్యలకు చెక్ పెడుతుంది. అలాగే, అదనపు యూరిక్ యాసిడ్ను తగ్గిస్తుంది.
పైనాపిల్ :పైనాపిల్లో బ్రోమెలైన్ అనే ఎంజైమ్ ఉంటుంది. ఇది సహజ శోథ లక్షణాలు కలిగి ఉంటుంది. అందువలన అధిక యూరిక్ యాసిడ్తో బాధపడే వారు వీటిని ఆహారంలో చేర్చుకోవడం వలన కీళ్ల నొప్పుల వంటి సమస్యలు తగ్గిపోతాయి. అదే విధంగా, ఇవి మూత్రపిండాల ఆరోగ్యానికి చాలా మంచిది
