Post Office Scheme: పోస్ట్ ఆఫీస్ చిన్న పొదుపు పథకాలను జీరో-రిస్క్ పెట్టుబడులు అని పిలుస్తారు. ఎందుకంటే వాటిలో చేసే ప్రతి పెట్టుబడికి భారత ప్రభుత్వం భద్రత హామీ ఇస్తుంది. భద్రతతో పాటు స్థిరమైన, నమ్మదగిన రాబడిని పొందడం కోసం పోస్ట్ ఆఫీస్ పథకాలు ప్రజలలో బాగా ప్రాచుర్యం పొందాయి. ఇండియన్ పోస్ట్ ఆఫీస్ నిర్వహించే ప్రభుత్వ పథకాలు అన్ని వయసుల వారికి అందుబాటులో ఉన్నాయి. మీరు చిన్న చిన్న రోజువారీ పొదుపుల ద్వారా దీర్ఘకాలికంగా పెద్ద మొత్తంలో డబ్బును కూడబెట్టుకోవాలనుకుంటే, సురక్షితమైన పెట్టుబడి కోసం చూస్తున్నట్లయితే పోస్ట్ ఆఫీస్ రికరింగ్ డిపాజిట్ స్కీమ్ (RD) మీకు అద్భుతమైన ఎంపిక కావచ్చు.
పోస్ట్ ఆఫీస్ RD పథకం అనేది ఒక పొదుపు పథకం. దీనిలో క్రమం తప్పకుండా నెలవారీ పెట్టుబడుల ద్వారా మంచి వడ్డీని పొందవచ్చు. 18 సంవత్సరాలు లేదా అంతకంటే ఎక్కువ వయస్సు ఉన్న ఏ వ్యక్తి అయినా ఈ పథకం కింద వారి సమీప పోస్టాఫీసులో ఖాతాను తెరవవచ్చు. ఈ పథకం సురక్షితమైనది.
ఇది కూడా చదవండి: Electric Scooter: ఒక్కసారి ఛార్జింగ్తో 110 కి.మీ రేంజ్.. ధర ఎంతో తెలుసా?
ఇవి కూడా చదవండి
ప్రస్తుతం ప్రభుత్వం పోస్ట్ ఆఫీస్ ఆర్డీ పథకంపై వార్షిక వడ్డీ రేటును 6.7% అందిస్తోంది. మీరు కేవలం రూ.100 తో ఖాతాను తెరవవచ్చు. ఈ పథకం మెచ్యూరిటీ వ్యవధి 5 సంవత్సరాలు. అవసరమైతే, దానిని మరో 5 సంవత్సరాలు పొడిగించే అవకాశం ఉంది. దీర్ఘకాలిక పెట్టుబడిని కొనసాగించడం ద్వారా మీరు మరిన్ని ప్రయోజనాలను పొందవచ్చు.
ఈ పథకం ప్రత్యేక ప్రయోజనం ఏమిటంటే ఖాతాదారుడు రుణం కూడా తీసుకోవచ్చు. ఖాతా ఒక సంవత్సరం పూర్తయిన తర్వాత డిపాజిట్ మొత్తంలో 50% వరకు రుణం తీసుకోవచ్చు. ఈ రుణంపై వడ్డీ రేటు కేవలం 2% మాత్రమే. ఇది ఇతర ఎంపికలతో పోలిస్తే చాలా తక్కువ. అదనంగా ఈ పథకం కింద ఖాతాను ముందస్తుగా మూసివేసే సౌకర్యం కూడా అందుబాటులో ఉంది. పెట్టుబడిదారుడు మూడు సంవత్సరాల తర్వాత ఖాతాను మూసివేయవచ్చు. ఖాతాదారుడు మరణించిన సందర్భంలో నామినీ పెట్టుబడి మొత్తాన్ని క్లెయిమ్ చేయవచ్చు లేదా అతను కోరుకుంటే ఖాతాను కొనసాగించవచ్చు.
Car Parking Tips: మీరు ఎత్తు ప్రాంతంపై కారు పార్క్ చేస్తున్నారా? ఈ తప్పులు అస్సలు చేయకండి!
మీరు ప్రతిరోజూ రూ.333 మాత్రమే ఆదా చేస్తే మీరు నెలకు దాదాపు రూ.10,000 అవుతుంది. ఈ మొత్తాన్ని పోస్ట్ ఆఫీస్ RD పథకంలో నెలవారీ పెట్టుబడిగా జమ చేయండి. మీరు ఈ పెట్టుబడిని మరో 5 సంవత్సరాలు పొడిగిస్తే 10 సంవత్సరాలలో మొత్తం పెట్టుబడి రూ.12,00,000 అవుతుంది. ఈ కాలంలో మీరు వడ్డీగా మాత్రమే సుమారు రూ.5,08,546 పొందుతారు. అంటే, మీరు వడ్డీ నుండి మాత్రమే రూ.5 లక్షలకు పైగా సంపాదించవచ్చు. మొత్తం నిధి రూ.17,08,546కి చేరుకుంటుంది.
Honda Shine: హోండా షైన్.. ఈ బైక్ మైలేజీ ఎంత ఇస్తుందో తెలిస్తే అవాక్కవుతారు!
మరిన్ని టెక్ వార్తల కోసం ఇక్కడ క్లిక్ చేయండి
