ఓ వైపు రాజకీయాలు, మరోవైపు సినిమాలు చేస్తూ ఫుల్ బిజీగా ఉన్నారు పవన్ కళ్యాణ్. గత ఏడాది రెండు సినిమాలతో ప్రేక్షకులను అలరించారు పవన్ కళ్యాణ్. హరిహరవీరమల్లు, ఓజీ సినిమాలతో ప్రేక్షకులను ఆకట్టుకున్నారు. వీటిలో హరిహరవీరమల్లు సినిమా నిరాశపరిచగా.. ఓజీ సినిమా బ్లాక్ బస్టర్ గా నిలిచింది. ఇక ఇప్పుడు ఉస్తాద్ భగత్ సింగ్ సినిమాతో ప్రేక్షకుల ముందుకు రానున్నారు పవన్. హరీష్ శంకర్ దర్శకత్వంలో ఈ సినిమా తెరకెక్కుతుంది. ఇదిలా ఉంటే పవన్ కళ్యాణ్ పాత ఫోటో ఒకటి ఇప్పుడు సోషల్ మీడియాలో వైరల్ గా మారింది. పై ఫొటోలో పవన్ కల్యాణ్ పక్కన ఉన్న దెవరో గుర్తు పట్టారా.?
మీసాలు లేకుండా క్లీన్ షేవ్ తో మెడలో కండువా వేసుకుని బుద్ధిగా చేతులు కట్టుకుని పోజులిస్తున్నది ఓ టాలీవుడ్ ప్రముఖ కొరియోగ్రాఫర్. ఎలాంటి బ్యాక్ గ్రౌండ్ లేకుండా కేవలం సృయంకృషిని నమ్ముకుని పైకొచ్చిన వారిలో ఇతను కూడా ఒకడు. అయితే ఇండస్ట్రీలోకి రాక ముందు ఎన్నో అవమానాలు, కష్టాలను ఎదుర్కొన్నాడాయన. ప్రముఖ డ్యాన్స్ రియాలిటీ షో ఢీతో మంచి గుర్తింపు తెచ్చుకుని సినిమా పరిశ్రమలోకి అడుగుపెట్టాడు. తన హుషారైన స్టెప్పులతో స్టార్ హీరోలకు ఫేవరెట్ కొరియోగ్రాఫర్ గా మారిపోయాడు.
ముఖ్యంగా మెగా హీరోలు ఇతనితో ఎక్కువగా సినిమాలు చేశారు. ప్రస్తుతం టాలీవుడ్ స్టార్ కొరియోగ్రాఫర్లలో ఒకరైన అతను మరెవరో కాదు జానీ మాస్టర్. 2009 నితిన్ ద్రోణ సినిమాతో డ్యాన్స్మాస్టర్గా ఇండస్ట్రీలోకి అడుగుపెట్టారు జానీ మాస్టర్. ఆ తర్వాత రామ్ చరణ్తో రచ్చ, నాయక్, ఎవడు, రంగస్థలం, అల్లు అర్జున్తో జులాయి, ఇద్దరమ్మాయిలతో, రేసు గుర్రం, సన్ ఆఫ్ సత్యమూర్తి, అలా వైకుంఠ పురంలో, యంగ్ టైగర్తో ఎన్టీఆర్తో బాద్షా, టెంపర్, నాన్నకు ప్రేమతో అరవింద సమేత వీర రాఘవ, రామ్ పోతినేనితో ఇస్మార్ట్ శంకర్ వంటి హిట్ సినిమాలకు కొరియోగ్రాఫర్గా పనిచేశాడు. తమిళంలో విజయ్, కన్నడలో సుదీప్, బాలీవుడ్లో సల్మాన్ఖాన్ తదితర స్టార్ హీరోలతోనూ వర్క్ చేసిన ఘనత జానీ మాస్టర్ సొంతం. పవన్ ను అమితంగా అభిమానించే ఆయన ఇటీవల ఏపీ అసెంబ్లీ ఎన్నికల్లోనూ జనసేన తరఫున ప్రచారం నిర్వహించారు. పవన్ కల్యాణ్ పోటీ చేసిన పిఠాపురంలో ఎలక్షన్ క్యాంపెయిన్ లో కూడా పాల్గొన్నారు జానీ మాస్టర్. ప్రస్తుతం తెలుగు , తమిళ్ సినిమాల్లో పని చేస్తూ బిజీగా మారారు జానీ మాస్టర్.
మరిన్ని సినిమా వార్తల కోసం ఇక్కడ క్లిక్ చేయండి.
