చిన్న పిల్లల ఆరోగ్యం విషయంలో చాలా మంది తల్లిదండ్రులు తగిన జాగ్రత్తలు తీసుకుంటూనే ఉంటారు. అయితే, కొందరు మాత్రం తెలిసీ తెలియక కొన్ని తప్పులు చేస్తుంటారు. అలాంటి తప్పే పిల్లలకు పచ్చి పాలు తాగించడం. దీని వల్ల చాలా ప్రమాదం ఉందని తాజా అధ్యయనం తేల్చింది. అమెరికాలో ఇటీవల ఒక నవజాత శిశువు పచ్చి పాలు తాగిన కారణంగా లిస్టెరియా ఇన్ఫెక్షన్ వల్ల మరణించిన ఘటన చోటుచేసుకుంది. గర్భధారణ సమయంలో పచ్చి పాలు తాగితే, ఇన్ఫెక్షన్ శిశువుకు వ్యాపించవచ్చు. పుట్టిన తర్వాత కూడా కొన్ని సంవత్సరాలపాటు పచ్చి పాలు ఇవ్వడం ప్రమాదకరం, ముఖ్యంగా 5 ఏళ్ల కంటే తక్కువ వయస్సు ఉన్న పిల్లలకు అస్సలు ఇవ్వవద్దు.
హానికారక బ్యాక్టీరియా
పచ్చి పాలలో అనేక రకాల హానికరమైన బ్యాక్టీరియా ఉండవచ్చు. ఉదాహరణకు E. coli, సాల్మొనెల్లా, లిస్టెరియా. ఇవి పిల్లల్లో విరేచనాలు, వాంతులు, కడుపు నొప్పి, సెప్సిస్ వంటి తీవ్రమైన ఇన్ఫెక్షన్లకు దారి తీస్తాయి. చిన్న పిల్లల రోగనిరోధక శక్తి ఇంకా పూర్తిగా అభివృద్ధి కాదు కాబట్టి, ఇలాంటి ఇన్ఫెక్షన్లు వారి ఆరోగ్యానికి మరింత ప్రమాదకరం.
మరింత ప్రమాదకరమైన పరిస్థితులు:
విరేచనాలు, వాంతులు వల్ల నిర్జలీకరణ (dehydration)
లిస్టెరియోసిస్ వల్ల మెదడు, నాడీ వ్యవస్థకు హాని
తీవ్రమైన ఇన్ఫెక్షన్ వల్ల ప్రాణహానీ ఉండవచ్చు.
పల్స్, విటమిన్లు, శక్తి కోసం పాలు
పాలు ప్రోటీన్, కాల్షియం, ఫాస్ఫరస్, విటమిన్ డీ, విటమిన్ బీ12, పొటాషియం వంటి అవసరమైన పోషకాలతో నిండి ఉంటాయి. ఇవి ఎముకలు, దంతాలు, కండరాల పెరుగుదలకు, శారీరక, మానసిక ఆరోగ్యానికి ముఖ్యమైనవి.
పిల్లలకు పాలు ఇచ్చేటప్పుడు జాగ్రత్తలు:
ఎల్లప్పుడూ పూర్తిగా మరిగించిన పాలు ఇవ్వాలి.
పాలను ఎక్కువసేపు బయట ఉంచకూడదు.
ఒక సంవత్సరం కంటే తక్కువ వయసు ఉన్న పిల్లలకు గేదె లేదా ఆవు పాలు ఇవ్వకూడదు.
అవసరమైతే, డాక్టర్ సలహా మేరకు ఫార్ములా పాలు ఉపయోగించాలి.
పాలు ప్రతి వయస్సులో ఆరోగ్యానికి ఉపయోగకరంగా ఉంటాయి. కానీ చిన్న పిల్లలకు ప్రత్యేక జాగ్రత్తలు పాటించడం అత్యంత అవసరం. చిన్న పిల్లల విషయంలో వైద్యుల సలహా తప్పనిసరి.
