మెగాస్టార్ నుంచి నందమూరి నటసింహం వరకు, అటు కోలీవుడ్లో రజనీకాంత్ నుంచి అజిత్, విజయ్ వరకు అందరు స్టార్ హీరోల సరసన ఆమె మెరిసింది. కానీ విచిత్రంగా ఒకే ఒక్క టాలీవుడ్ అగ్ర హీరోతో మాత్రం ఆమె ఇప్పటి వరకు ఒక్క సినిమాలో కూడా నటించలేదు. ఆయన గ్లామర్కు ఆమె అందం తోడైతే వెండితెరపై విజువల్ వండర్ ఖాయమని ఫ్యాన్స్ ఎప్పటి నుంచో కలలు కంటున్నారు. కానీ ఏదో ఒక కారణంతో ఆ కాంబినేషన్ ఎప్పుడూ తప్పిపోతూనే ఉంది. ఇంతకీ ఆ సూపర్ స్టార్ ఎవరు? సౌత్ ఇండియాను ఏలుతున్న ఆ నటికి ఆయనతో నటించే అవకాశం ఎందుకు రాలేదు?
Nayanthara And Maheshbabu
నయనతార తన సుదీర్ఘ కెరీర్లో టాలీవుడ్ అగ్ర హీరోలందరితో పనిచేశారు. చిరంజీవితో ‘సైరా నరసింహారెడ్డి’, ‘గాడ్ ఫాదర్’ వంటి సినిమాల్లో నటించగా, బాలకృష్ణతో ‘సింహా’, ‘శ్రీరామరాజ్యం’, ‘జై సింహా’ వంటి సూపర్ హిట్లు అందుకున్నారు. అలాగే వెంకటేష్ సరసన ‘లక్ష్మి’, ‘తులసి’, ‘బాబు బంగారం’ వంటి సినిమాల్లో మెరిశారు. నాగార్జునతో ‘బాస్’, ‘గ్రీకువీరుడు’ చిత్రాల్లో నటించారు. కానీ సూపర్ స్టార్ మహేష్ బాబుతో మాత్రం ఇప్పటి వరకు ఆమె ఒక్క ఫ్రేమ్ లో కూడా కనిపించలేదు. ఇది అటు మహేష్ అభిమానులకు, ఇటు నయన్ ఫ్యాన్స్కు ఒక పెద్ద వెలితిగానే మిగిలిపోయింది.
తప్పిపోయిన అవకాశాలు..
నిజానికి మహేష్ బాబు, నయనతార కాంబినేషన్లో సినిమా రావడానికి కొన్నిసార్లు చర్చలు జరిగాయని టాలీవుడ్ టాక్. గతంలో మహేష్ నటించిన కొన్ని భారీ చిత్రాల్లో హీరోయిన్ పాత్ర కోసం ముందుగా నయనతారనే సంప్రదించారట. అయితే ఆ సమయంలో ఆమె డేట్స్ ఖాళీగా లేకపోవడం లేదా ఇతర ప్రాజెక్టులతో బిజీగా ఉండటం వల్ల ఆ అవకాశాలు చేజారిపోయాయని తెలుస్తోంది. అలాగే నయనతార కూడా కేవలం నటనకు ప్రాధాన్యత ఉన్న పాత్రలకే మొగ్గు చూపుతుండటంతో, మహేష్ బాబు కమర్షియల్ సినిమాల్లో ఆ విధమైన పాత్రలు కుదరక ఆ కాంబినేషన్ సెట్ కాలేదని మరికొందరి అభిప్రాయం.
మహేష్ బాబును టాలీవుడ్ గ్లామర్ కింగ్ అని పిలుస్తుంటారు. ఆయన వయసు పెరుగుతున్నా అందం మాత్రం తగ్గడం లేదు. అదేవిధంగా నయనతార కూడా తన గ్రేస్తో లేడీ సూపర్ స్టార్గా వెలిగిపోతున్నారు. వీరిద్దరూ కలిసి ఒకే సినిమాలో కనిపిస్తే బాక్సాఫీస్ దగ్గర రికార్డులు తిరగరాయడం ఖాయమని ఫ్యాన్స్ నమ్ముతున్నారు. ప్రస్తుతం మహేష్ బాబు ‘వారణాసి’ వంటి గ్లోబల్ ప్రాజెక్టులతో బిజీగా ఉండగా, నయనతార కూడా బాలీవుడ్ వరకు తన సత్తా చాటుతున్నారు. భవిష్యత్తులో ఏదైనా పవర్ ఫుల్ స్క్రిప్ట్ తో ఈ ఇద్దరు స్టార్స్ ఒకే తెరపై కనిపిస్తారేమో చూడాలి. ఇన్నేళ్ల కెరీర్లో నయనతార, మహేష్ బాబుతో నటించకపోవడం ఆశ్చర్యకరమైన విషయమే. కాలం కలిసి వస్తే వీరిద్దరి కలయికలో ఒక అద్భుతమైన సినిమా వచ్చే అవకాశం ఉంది.
