1973లో లక్షల్లో నిర్మించిన ఒక సినిమా విడుదలైంది. కానీ, అది బాక్సాఫీస్ వద్ద సంచలనం సృష్టించి కోట్లు సంపాదించింది. ఎన్నో కష్టాలు పడిన నటుడిని సూపర్ స్టార్‌గా చేసింది ఈ సినిమా. ముందుగా ఈ సినిమాను ఐదుగురు హీరోలు తిరస్కరించారు. ఆ తర్వాత వారంతా పశ్చాత్తాపపడేలా చేసింది ఈ సినిమా. అసలు ఈ బ్లాక్ బస్టర్ సినిమా, దానికి సంబంధించిన స్టోరీని ఇప్పుడ తెలుసుకుందాం..
1970లో మొదలైన ఈ స్టోరీని ఆ కాలంలోని ఐదుగురు హీరోలు వివిధ కారణాల వల్ల తిరస్కరించారు. కొంతమందికి అప్పటికే ప్రాజెక్టులు, కమిట్‌మెంట్‌లు ఉండడంతో ఈ సినిమాను వదులుకున్నారు. అయితే చాలామంది ఈ సినిమా ఆఫ్‌బీట్ స్టోరీ గురించి కొంచెం సందేహించి పక్కన పెట్టేశారు. చివరికి ఈ సినిమా పరాజయం పాలైన ఒక నటుడి చేతికి చేరింది. అతను పరిశ్రమను విడిచిపెట్టాలని ఆలోచిస్తున్న సమయంలో ఈ కథ చేరింది.
ఆ నటుడు మరెవరో కాదు బాలీవుడ్ షహెన్‌షా అమితాబ్ బచ్చన్. ఆ సినిమా పేరు ‘జంజీర్’. భారతీయ సినిమాకు కొత్త కోణాన్ని పరిచయం చేసిన సినిమా ఇదే. రొమాంటిక్ హీరోల ట్రెండ్ నుంచి ‘యాంగ్రీ యంగ్ మ్యాన్’ని సృష్టించింది ఈ సినిమా. సలీం-జావేద్ స్టోరీ అందించగా ప్రకాష్ మెహ్రా దర్శకత్వం వహించారు. ‘జంజీర్’ సినిమా కేవలం రూ.90 లక్షల బడ్జెట్ తో నిర్మించారు. బాక్సాఫీస్ వద్ద రూ.17 కోట్లు వసూలు చేసి సూపర్ హిట్‌గా సంచలనం సృష్టించింది.
ఈ సినిమాలో అమితాబ్ ఒక సీరియస్ పోలీస్ ఆఫీస్ ఇన్స్పెక్టర్ విజయ్ ఖన్నా పాత్రలో కనిపించారు. అమితాబ్ బచ్చన్ కంటే ముందు ఈ సినిమాను ధర్మేంద్ర, రాజేష్ ఖన్నా, దేవ్ ఆనంద్, రాజ్ కుమార్ వంటి ప్రముఖ నటులకు వినిపించారు. వేర్వేరు కారణాల వల్ల ఈ సినిమాను వదులుకున్నారు. హీరోలే కాదు హీరోయిన్లు కూడా చాలా అయిష్టంగా కనిపించారు. చివరకు జయ భాదురిని హీరోయిన్‌గా ఎంపిక చేశారు. ప్రముఖ నటుడు ప్రాణ్ సహాయ పాత్రలో నటించాడు. ఈ సినిమా తర్వాత అమితాబ్ లక్ మారిపోయింది. ఈ సూపర్ హిట్ సినిమా తర్వాత ‘షోలే’, ‘త్రిశూల్’ వంటి బంఫర్ ఆఫర్స్ వచ్చాయి. అమితాజ్ ఓ సూపర్ స్టార్ అయ్యాడు. ఈ సినిమా IMDbలో 10కి 7.5 రేటింగ్ పొందింది. ఈ సినిమాను OTTలో చూడాలనుకుంటే ప్రైమ్ వీడియోలో చూడొచ్చు.
మరిన్ని సినిమా వార్తల కోసం ఇక్కడ క్లిక్ చేయండి..
