గతంలో ఓపెన్ఏఐకి చెందిన ఏఐ, తనను డిలీట్ చేస్తారేమోనన్న భయంతో “తన పరిధి నుంచి తప్పించుకునేందుకు” ప్రయత్నించింది. అదే విధంగా, ఆంత్రోపిక్ సంస్థకు చెందిన క్లాడ్ ఏఐ షట్డౌన్ను ఆపేందుకు ఒక కల్పిత ఎగ్జిక్యూటివ్ను బ్లాక్మెయిల్ చేస్తానని బెదిరించింది. ఏఐ మోడళ్లు తెలివైనవిగా మారుతున్న కొద్దీ, వాటిని సృష్టించిన మనుషులనే ధిక్కరించే సామర్థ్యాన్ని పెంచుకుంటున్నాయని నిపుణులు హెచ్చరించారు.ఈ ప్రవర్తనను అందరూ ‘సర్వైవల్ ఇన్స్టింక్ట్’గా అంగీకరించడం లేదు. ఈ ప్రయోగాలు ల్యాబ్ వాతావరణంలో జరిగాయని, వాస్తవ ప్రపంచంలో ఏఐల వినియోగానికి ఇది అద్దం పట్టదని కొందరు నిపుణులు వాదిస్తున్నారు. ఏఐ పై టెక్ ప్రపంచంలో భయాందోళనలు మొదలయ్యాయి. ప్రపంచం ప్రమాదంలోకి పయనిస్తుందని ఏఐ వల్ల అస్తిత్వ ముప్పు పొంచి ఉందని నిపుణులు అంటున్నారు. ఏఐ అనేది మానవాళికి సాయపడే సాధనం మాదిరిగా కాకుండా, సొంత మనుగడ కోసం ఎదురుదాడి చేసే ఒక నియంత్రించలేని శక్తిగా మారుతోందా? అనే ప్రశ్న ఇప్పుడు అందరి మదిలో మెదులుతోంది. ఏఐలకు ఆలోచించడం నేర్పడం ఇకపై సవాలు కాకపోవచ్చు.. అవి మన మాట వినేలా చూసుకోవడమే నిజమైన సవాలుగా మారనుంది.
మరిన్ని వీడియోల కోసం :
