వాస్తు శాస్త్రం ప్రకారం ఉప్పును ఎట్టిపరిస్థితుల్లో అరవు తీసుకొచ్చుకోకూడదంట. ఇది సంపద, లక్ష్మీ దేవికి చిహ్నం. అయితే దీనిని అరవు తెచ్చుకోవడం వలన శని దోషం పెరుగుతుందంట. దీని వలన తరచూ అనారోగ్య సమస్యలు, డబ్బు కోల్పోవడం వంటి సమస్యలు ఎదురు అవుతాయని చెబుతున్నారు ఆరోగ్య నిపుణులు.
పెరుగుని కూడా అరవు తెచ్చుకోకూడదంట.చాలా మంది ఇరుగు పొరుగు వారి నుంచి ఎక్కువగా పెరుగును అరవు తీసుకొచ్చుకుంటారు. కానీ ఇది కూడా ఆరోగ్యానికి అస్సలే మంచిది కాదంట. దీని వలన ఆర్థిక సమస్యలు, ఇంట్లో మనశ్శాంతి కరువు అవ్వడం వంటి ఇబ్బందులు తలెత్తుతాయంట.
నల్లనువ్వులను ఎట్టి పరిస్థితుల్లో అరవుగా తీసుకొచ్చుకోరాదంట. దీని వలన జీవితంలో అనేక అడ్డంకులు ఎదురు అవుతాయని చెబుతన్నారు వాస్తు శాస్ర నిపుణులు. ఎందుకంటే నల్ల నువ్వులు అనేవి రాహువు, కేతువు, శని గ్రహాలతో సంబంధం కలిగి ఉంటాయి. అందువలన వీటిని అరవుగా తీసుకొచ్చుకోవడం వలన ఇవి మానసిక ఒత్తిడిని పెంచుతుందంట.
చాలా మంది ఎక్కువగా అరవు తీసుకొనే దాంట్లో అగ్గిపెట్ట ఉంటుంది. అయితే పండితులు మాత్రం అగ్నికి సంబంధించిన ఏ వస్తువులను అరవు తీసుకోకూడదు. దీని వలన పాజిటివ్ శక్తి తగ్గిపోయి, ఇంట్లో నెగిటివిటీ పెరుగుతుంది. ఎట్టిపరిస్థితుల్లోనూ అగ్గిపెట్ట అరవుగా వేరకొరికి ఇంటిలోకి తీసుకొచ్చుకోకూడదని చెబుతున్నారు పండితులు.
వాస్తు శాస్త్రం ప్రకారం ఎప్పుడూ కూడా ఒకరి టవల్ మరొకరు తీసుకోకూడదంట. ఇది ఒక వ్యక్తి వ్యక్తిగత వస్తువుగా పరిగణించబడుతుంది కాబట్టి, దీనిని వేరొకరు తీసుకోవడం వలన ఇది ఇద్దరి మధ్య విభేదాలకు కారణం కావచ్చు అంటున్నారు వాస్తు శాస్త్ర నిపుణులు
