గత కొన్ని సంవత్సరాలుగా ఎలోన్ మస్క్ ప్రపంచంలోనే అత్యంత ధనవంతుడిగా ఉన్నారు. ఫోర్బ్స్ మ్యాగజైన్ ప్రకారం, అతని మొత్తం సంపద (ఎలోన్ మస్క్ నికర విలువ) దాదాపు 850 బిలియన్ డాలర్లు (77 లక్షల కోట్ల రూపాయలకు పైగా). ఇప్పుడు టెస్లా, స్పేస్ఎక్స్ సీఈఓ ఎలోన్ మస్క్ తన సంపద గురించి, ప్రపంచంలోనే మొట్టమొదటి ట్రిలియనీర్ కావడం గురించి జోరుగా చర్చ నడుస్తోంది. అదే సమయంలో మస్క్ తన వద్ద ఎంత నగదు ఉందో సమాచారం ఇచ్చారు.
ఎక్స్లో ఆయన ఒక పోస్ట్ చేశారు దాని ప్రకారం.. మస్క్ దగ్గర నగదు లేదు. బదులుగా ఆయనకు పెద్ద కంపెనీలలో వాటాలు ఉన్నాయి. అందువల్ల ఆయన కంపెనీల వాటాలు పెరిగేకొద్దీ, ఆయన సంపద పెరుగుతుంది. ఆయన మార్కెట్ క్రెడిట్, మూలధనం తదనుగుణంగా పెరుగుతాయి. అదే విధంగా ఎలోన్ మస్క్ సంపద పెరుగుతుంది. అంటే ఆయన ఇంట్లో నగదు ఉంచుకోరు. బదులుగా ఆయన తన కంపెనీలో ఆదాయాన్ని తిరిగి పెట్టుబడి పెడతాడు. దీని కారణంగా ఆయన ఆదాయం మరింత పెరుగుతుంది. గత 6 నెలల్లో టెస్లా స్టాక్ 24.55 శాతం పెరిగింది. అన్లిస్టెడ్ మార్కెట్లో స్పేస్ఎక్స్ స్టాక్ 143 శాతం పెరిగింది. మస్క్ సంపద గణనీయంగా పెరిగింది. అతని లాభాలు గణనీయంగా పెరిగాయి.
మస్క్ దగ్గర ఎంత నగదు ఉంది?
ఎలోన్ మస్క్ పోస్ట్ ప్రకారం.. అతని మొత్తం సంపదలో 0.1 శాతం కంటే తక్కువ నగదు ఉంది. 850 బిలియన్ డాలర్లలో 0.1 శాతం అంటే అతని వద్ద 850 మిలియన్ డాలర్ల కంటే తక్కువ మాత్రమే ఉంది. 850 మిలియన్ డాలర్లు అంటే భారత కరెన్సీలో రూ.7708 కోట్లకు సమానం. అంటే మస్క్ వద్ద రూ.7708 కోట్ల కంటే తక్కువ నగదు ఉంది.
మరిన్ని బిజినెస్ వార్తల కోసం ఇక్కడ క్లిక్ చేయండి
