రోగనిరోధక శక్తిని పెంచుతుంది: ఏబీసీ జ్యూస్ ఆపిల్, బీట్‌రూట్‌ల నుంచి విటమిన్ సి, క్యారెట్ల నుంచి బీటా-కెరోటిన్‌తో రోగనిరోధక శక్తిని బలపరుస్తుంది, ఇన్ఫెక్షన్లు, అనారోగ్యాలతో పోరాడటానికి సహాయపడుతుంది. అందుకే ఏబీసీ జ్యూస్ను వెంటనే మీ డైట్లో చేర్చుకోవడం మంచిది.
జీర్ణ ఆరోగ్యానికి మద్దతు ఇస్తుంది: ఏబీసీ జ్యూస్ను మీ ఆహారంలో చేర్చుకుంటే అందులో ఉన్న అధిక ఫైబర్ కంటెంట్ ఆరోగ్యకరమైన జీర్ణక్రియను ప్రోత్సహిస్తుంది. మలబద్ధకాన్ని నివారిస్తుంది. ఆపిల్, బీట్‌రూట్‌లు, క్యారెట్‌లలో పోషక విలువలు కారణంగా ప్రేగు కదలికలకు మెరుగుపరుస్తుంది.
ఆరోగ్యకరమైన చర్మాన్ని ప్రోత్సహిస్తుంది: ఏబీసీ జ్యూస్లో పుష్కలంగా లభించే యాంటీఆక్సిడెంట్లు, విటమిన్లు A, Cలు వృద్ధాప్య సంకేతాలను తగ్గించడం, కాంతిని మెరుగుపరచడం, ముడతలు, మొటిమల నుంచి రక్షించి చర్మాన్ని మెరిసేలా చేయడంలో సహాయపడుతుంది.
శరీరాన్ని డిటాక్సిఫై చేస్తుంది: ఏబీసీ జ్యూస్ను మీ రోజువారీ ఆహారంలో భాగం చేసుకోవడం వల్ల కాలేయ పనితీరు మేరుపరుస్తుంది, బీట్‌రూట్‌, క్యారెట్‌లు కాలేయ ప్రక్రియలను ప్రేరేపిస్తాయి ఆపిల్ జీర్ణవ్యవస్థను శుభ్రపరచడంలో సహాయపడతాయి. దీంతో శరీరం డిటాక్సిఫై అవుతుంది,
బరువును తగ్గిస్తుంది: కేలరీలు తక్కువగా, ఫైబర్ అధికంగా ఉన్న ఏబీసీ జ్యూస్ను మీ డైట్లో యాడ్ చేసుకోవడం వల్ల మిమ్మల్ని ఎక్కువసేపు కడుపు నిండినట్లు చేస్తుంది. ఎక్కువ కేలరీల తీసుకోవడం తగ్గించడం, జీవక్రియను పెంచడం ద్వారా బరువు తగ్గడంలో సహాయపడుతుంది.
