గుడ్లగూబలో ఎవ్వరికీ పెద్దగా తెలియని ప్రత్యేక లక్షణాలు చాలానే ఉన్నాయి. ఇతర పక్షుల్లా కాకుండా గుడ్లగూబలకు కళ్లు మనుషులకు ఉన్నట్లుగా ముఖం పై ఉంటాయి. కానీ మనుషుల్లా అవి కళ్లను కదిలించలేవు. అందుకే అవి తలను 270 డిగ్రీలు తిప్పి చూడగలుగుతాయి. ఈ ప్రత్యేక లక్షణం కారణంగా కొందరు చేతబడి, క్షుద్రపూజలకు వాటిని ఉపయోగిస్తున్నారు. చాలా మంది అపశకునంగా భావిస్తూ వాటి గూళ్లను నాశనం చేస్తున్నారు. దీంతో గుడ్లగూబల ఉనికికే ప్రమాదం ఏర్పడింది. గుడ్లగూబలు రాత్రి వేళల్లో చురుగ్గా వేటాడతాయి. సాధారణంగా పక్షులు గాల్లోకి ఎగిరినప్పుడు రెక్కల శబ్ధం వినిపిస్తుంది. కానీ గుడ్లగూబలు నిశ్శబ్దంగా ఎగురుతాయి. అవి జంతువులకు దొరక్కుండా, వాటిని మభ్యపెట్టేందుకు ప్రత్యేక ఈకల రంగు తో చెట్టు బెరడు, ఆకుల్లో కలిసి పోతాయి. గుడ్లగూబలు అనాదిగా మానవ సంస్కృతిలో భాగమయ్యాయి. ప్రాచీన గ్రీస్‌లో వీటిని జ్ఞానం అందించే దేవత ఎథీనాగా భావించి పూజించారు. గుడ్లగూబల్లో ప్రపంచవ్యాప్తంగా 200 కంటే ఎక్కువ రకాలున్నాయి. అవి మనుషుల మీద దాడిచేయవు.
మరిన్ని వీడియోల కోసం :
