ప్రజలకు మెరుగైన, సులభమైన సేవలు అందించాలనే ఉద్దేశంతో తెలంగాణ రాష్ట్ర రవాణా శాఖ కీలక నిర్ణయం తీసుకుంది. జనవరి 24 నుండి కొత్తగా కొనుగోలు చేసే నాన్-ట్రాన్స్పోర్ట్ మోటార్ సైకిళ్లు మరియు మోటార్ కార్లకు, మొదటి రిజిస్ట్రేషన్ సమయంలో వాహనాన్ని RTO కార్యాలయానికి తీసుకువెళ్లాల్సిన అవసరం ఉండదు. కేంద్ర మోటారు వాహన నియమాలు, 1989 లోని నియమం 48-B ప్రకారం, అధికారిక ఆటోమొబైల్ డీలర్ ద్వారా అమ్మబడిన పూర్తిగా నిర్మిత వాహనాలకు ఈ సౌకర్యం కల్పించబడింది. ఈ కొత్త విధానం ప్రకారం వాహనం కొనుగోలు చేసిన అధికారిక డీలర్లే శాశ్వత రిజిస్ట్రేషన్ కోసం ఆన్లైన్లో దరఖాస్తు చేస్తారు. అవసరమైన పత్రాలు డీలర్ ద్వారా ఆన్లైన్లో అప్లోడ్ చేయబడతాయి. రవాణా శాఖ అధికారి దరఖాస్తును పరిశీలించి రిజిస్ట్రేషన్ నంబర్ కేటాయిస్తారు. రిజిస్ట్రేషన్ సర్టిఫికేట్ నేరుగా స్పీడ్ పోస్ట్ ద్వారా వాహన యజమానికి పంపబడుతుంది. ఈ విధానం అమలుతో ప్రజలకు, సమయం ఆదా అవడమే కాకుండా వాహన రిజిస్ట్రేషన్ ప్రక్రియ వేగవంతంగా, పారదర్శకంగా పూర్తవుతుంది. అవసరమైతే రవాణా శాఖ అధికారులు అధికారిక ఆటోమొబైల్ డీలర్ల వద్ద వాహనాలపై యాదృచ్ఛిక తనిఖీలు నిర్వహిస్తారు. దీని వల్ల ప్రజలకు ఎలాంటి ఇబ్బంది ఉండదు. ఈ సౌకర్యం ప్రైవేట్ బైక్లు మరియు కార్లకు మాత్రమే వర్తిస్తుంది. ట్రాన్స్పోర్ట్ వాహనాలకు ఇది వర్తించదు. ప్రభుత్వం తీసుకున్న ఈ నిర్ణయం ప్రజలకు మరింత సులభమైన, డిజిటల్ మరియు సమర్థవంతమైన రవాణా సేవలను అందించడంలో ఒక ముఖ్యమైన ముందడుగుగా నిలుస్తుందని, రవాణా శాఖలో దళారుల వ్యవస్థకు చెక్ పెట్టవచ్చని అధికారులు అంటున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
8వ తరగతి విద్యార్థి అద్భుత ప్రతిభ.. ఉపాధ్యాయుడి ప్రోత్సాహంతో సృజనాత్మకత
రేకుల ఇంట్లో రచ్చ రచ్చ.. తలుపు తీసి చూసిన పోలీసులకు షాక్
ఉదయం ఇంట్లోనుంచి బయటకు రాగానే.. భయానక దృశ్యం.. ఇలా ఉన్నారేంట్రా
బేగంపేట స్టేషన్లో దిగిన మహిళ.. ఆమె తెచ్చిన భారీ సూట్కేస్ తెరిచి చూడగా షాక్
మనాలీని కమ్మేసిన మంచు.. చిక్కుకుపోయిన వాహనాలు
