తెలంగాణ ఇంటర్మీడియట్ విద్యార్థులకు కీలక అప్డేట్. మార్చి-2026లో జరగనున్న వార్షిక పరీక్షలకు సంబంధించి తెలంగాణ స్టేట్ బోర్డ్ ఆఫ్ ఇంటర్మీడియట్ ఎడ్యుకేషన్ హాల్ టికెట్లను విడుదల చేసింది. రాష్ట్రవ్యాప్తంగా ఉన్న ఫస్ట్ ఇయర్, సెకండ్ ఇయర్ విద్యార్థులు తమ హాల్ టికెట్లను పొందేందుకు బోర్డు అన్ని ఏర్పాట్లు పూర్తి చేసింది. హాల్ టికెట్లను ఇప్పటికే ఆయా కళాశాలల లాగిన్లలో అందుబాటులో ఉంచారు. విద్యార్థులు తమ సంబంధిత కాలేజీ ప్రిన్సిపాల్స్ను సంప్రదించి హాల్ టికెట్లను తీసుకోవాలి. ఈ ఏడాది దాదాపు 9.9 లక్షల మంది విద్యార్థులు ఇంటర్ పరీక్షలకు హాజరవుతున్నారు. షెడ్యూల్ ప్రకారం ఇంటర్మీడియట్ పబ్లిక్ పరీక్షలు ఫిబ్రవరి 25, 2026 నుంచి ప్రారంభం కానున్నాయి. విద్యార్థులు సకాలంలో హాల్ టికెట్లు తీసుకుని పరీక్షా కేంద్రాలను చెక్ చేసుకోవాలని బోర్డు సూచించింది. విద్యార్థులు తమ పరీక్షా కేంద్రాలను సులభంగా గుర్తించేందుకు వీలుగా హాల్ టికెట్లపై QR కోడ్ను ముద్రించారు. దీన్ని స్కాన్ చేయడం ద్వారా సెంటర్ లొకేషన్ను ఈజీగా తెలుసుకోవచ్చు. విద్యార్థుల సౌకర్యార్థం వారి రిజిస్టర్డ్ మొబైల్ నంబర్లకు హాల్ టికెట్ డౌన్లోడ్ లింక్ను బోర్డు పంపనుంది. దీని ద్వారా కూడా విద్యార్థులు తమ హాల్ టికెట్లను చూసుకోవచ్చు. ఒకవేళ హాల్ టికెట్లో పేరు, ఫోటో, సంతకం లేదా ఇతర వివరాల్లో ఏవైనా తప్పులు ఉంటే విద్యార్థులు కంగారు పడాల్సిన అవసరం లేదు. వెంటనే సంబంధిత కళాశాల ప్రిన్సిపాల్ దృష్టికి తీసుకెళ్లి, వారి ద్వారా బోర్డుకు నివేదించి సరిచేయించుకోవాలని ఇంటర్ బోర్డు సెక్రటరీ సూచించారు.
మరిన్ని వీడియోల కోసం ఇక్కడ క్లిక్ చేయండి
Also Watch:
దారుణం.. బిస్కెట్లు ఆశ చూపి చిన్నారిపై..
ముగిసిన ఆపరేషన్ టైగర్.. సురక్షితంగా అడవిలోకి బెబ్బులి
టెక్సాస్లో హనుమంతుడి విగ్రహం.. నోరు పారేసుకున్న రిపబ్లికన్ నేత
ఈ వీకెండ్లోనే.. ఇరాన్పై అమెరికా దాడులు !!
బస్సు కింద మంటలు.. వీడియోల కోసం ఎగబడకుండా ప్రాణాలను కాపాడిన స్థానికులు
