గూగుల్ మాతృ సంస్థ ఆల్ఫాబెట్, ఆర్టిఫిషియల్ ఇంటెలిజెన్స్ రంగంలో ఆధిపత్యాన్ని నిలబెట్టుకోవడం సంచలనంగా మారింది. కేవలం 24 గంటల్లో 2.6 లక్షల కోట్ల రూపాయలను బాండ్ల రూపంలో సమీకరించింది. వందేళ్ల కాలపరిమితితో ‘సెంచరీ బాండ్’ కూడా జారీ చేసింది. ఫిబ్రవరి 9, 10 తేదీల్లో ఆల్ఫాబెట్ ఈ భారీ రుణ సమీకరణను పూర్తి చేసింది. అమెరికా మార్కెట్లో 20 బిలియన్ డాలర్లు, బ్రిటన్ మార్కెట్లో 5.5 బిలియన్ పౌండ్లు స్విస్ మార్కెట్లో 3.055 బిలియన్ ఫ్రాంక్ల రూపంలో బాండ్లను విక్రయించింది. ముఖ్యంగా, బ్రిటన్లో జారీ చేసిన బాండ్లలో ఒక బిలియన్ పౌండ్ల విలువైన 100 ఏళ్ల ‘సెంచరీ బాండ్’ కూడా ఉంది. 90ల తర్వాత ఓ టెక్ కంపెనీ వందేళ్ల బాండ్ను జారీ చేయడం ఇదే తొలిసారి. ఏఐ సామర్థ్యాలను పెంచేందుకు, కొత్త డేటా సెంటర్ల నిర్మాణానికి నిధులను గూగుల్ ఉపయోగించనుంది. 2026లో సుమారు 185 బిలియన్ డాలర్ల క్యాపిటల్ ఫండ్ను సమీకరించాలని అంచనా వేస్తోంది. ఇది గత ఏడాది కంటే రెట్టింపు కావడం విశేషం. ఆల్ఫాబెట్ బాండ్లకు ఇన్వెస్టర్ల నుంచి అనూహ్య స్పందన లభించింది. అమెరికన్ డాలర్ బాండ్ల కోసం ఏకంగా 100 బిలియన్ డాలర్లకు పైగా ఆర్డర్లు రాగా, 100 ఏళ్ల బాండ్కు కూడా దాదాపు 10 రెట్ల డిమాండ్ కనిపించింది. “సాధారణంగా ప్రభుత్వాలు లేదా స్థిరమైన ఆదాయం ఉండే యుటిలిటీ కంపెనీలు మాత్రమే వందేళ్ల బాండ్లను జారీ చేస్తాయి. ఇప్పుడు టెక్ కంపెనీకి కూడా ఇన్వెస్టర్లు అంతటి విశ్వాసాన్ని చూపడం ఏఐపై వారికున్న దీర్ఘకాలిక నమ్మకాన్ని సూచిస్తోంది,” అని గ్లోబల్ మార్కెట్ విశ్లేషకులు వ్యాఖ్యానించారు. అయితే, నిరంతరం వేగంగా మారుతున్న టెక్నాలజీ రంగంలోని కంపెనీపై ఇంత దీర్ఘకాలిక పెట్టుబడి పెట్టడం సమర్థనీయం కాదని కొందరు నిపుణులు అభిప్రాయపడుతున్నారు. మొత్తం మీద, ఈ భారీ రుణ సమీకరణతో ఆల్ఫాబెట్ తన భవిష్యత్తును పూర్తిగా ఏఐ పైనే పందెం కాస్తోందన్న బలమైన సంకేతం మార్కెట్లకు చేరింది.
మరిన్ని వీడియోల కోసం ఇక్కడ క్లిక్ చేయండి
Also Watch:
అమెరికాలో జాహ్నవి కందుల మృతికి రూ.262 కోట్ల పరిహారం
Samantha: నా ప్రతి ప్రయాణం.. సవాళ్లతోనే మొదలవుతుంది
Karthikeya 3: కార్తీకేయ3 గురించి క్లారిటీ ఇచ్చిన నిఖిల్.. షూటింగ్ మొదలయ్యేది అప్పుడే
Venkatesh: వరుస ప్రాజెక్ట్స్ తో విక్టరీ వెంకటేష్ జోరు.. క్యూ కడుతున్న దర్శకులు
నటనలో భేష్.. చదువుల్లో శభాష్ అనిపిస్తున్న హీరోయిన్లు
