ఉసిరికాయల్లో విటిమిన్ సి ఎక్కువగా ఉంటుంది. దీనిని తినడం వలన ఇమ్యూనిటీ పవర్ కూడా పెరుగుతుంది. అయితే, దీనిని పప్పులో కూడా వేసుకుని తినొచ్చు. ఇంకా వీటితో పచ్చడి కూడా చేసుకుని తినొచ్చు.
కావాల్సిన పదార్ధాలు : అర కిలో ఉసిరికాయలు, పావు కిలో నూనె, రుచికి సరిపడినంత ఉప్పు , 3 టేబుల్ స్పూన్స్ కారం, ఆవాల పొడి,
మెంతుల పొడి, పసుపు, ఇంగువ.
ముందుగా ఉసిరికాయలను శుభ్రం చేసుకుని కడిగి, వాటిని నీటిలో వేసి పసుపు, ఉప్పు వేసి బాగా ఉడికించండి. ఆ తర్వాత ఉడికిన ఉసిరికాయలను తీసుకుని చిన్న ముక్కలుగా కట్ చేసుకోండి.
ఇప్పుడు వేరే దానిలో కారం, ఆవాల పొడి, మెంతుల పొడి, ఉప్పు, ఇంగువను వేసుకుని బాగా కలుపుకోండి. ఇక ఇప్పుడు ఈ మిశ్రమంలో ఉడికించిన ఉసిరి ముక్కలను వేసి బాగా కలుపుకోవాలి.
ఇక చివర్లో నూనె వేసుకుని దీనిని ఓ గాజు పాత్రలో వేసుకుని గాలి కొంచం కూడా చొరబడకుండా పెట్టుకోండి. మూడు నుంచి ఐదు రోజుల తర్వాత మళ్ళీ ఒకసారి కలుపుని వేడి వేడి అన్నంలో తింటే రుచిగా ఉంటుంది.
