రోగనిరోధక శక్తి: నీరు సహజంగానే శరీరంలోని విష పదార్థాలను బయటకు పంపుతుంది. ఖాళీ కడుపుతో నీరు తాగడం వల్ల రోగనిరోధక శక్తి మెరుగుపడి, అంటువ్యాధుల ప్రమాదం గణనీయంగా తగ్గుతుంది.
బరువు తగ్గాలనుకునే వారికి: బరువు తగ్గాలని ప్రయత్నించే వారికి ఇది ఒక వరం. ఉదయాన్నే 500 మి.లీ నీరు తాగడం వల్ల జీవక్రియ 30శాతం వరకు వేగవంతం అవుతుందని అధ్యయనాలు చెబుతున్నాయి. ముఖ్యంగా గోరువెచ్చని నీరు తాగడం వల్ల శరీరంలోని కొవ్వు కణజాలాలు విచ్ఛిన్నమై, ధమనులలో కొవ్వు నిల్వలు తగ్గుతాయి.
తక్షణ శక్తి: ఉదయాన్నే నీరు తాగడం వల్ల శరీరానికి తక్షణ శక్తి లభిస్తుంది. అంతేకాకుండా రోజంతా మనం తినే ఆహారంలోని పోషకాలను శరీరం సరిగ్గా గ్రహించడంలో నీరు కీలక పాత్ర పోషిస్తుంది.అల్పాహారానికి కనీసం 30 నిమిషాల ముందు నీరు తాగడం వల్ల అదనపు కేలరీలు తీసుకోకుండా నిరోధించవచ్చు.
జీర్ణక్రియ సాఫీగా: ఉదయం నీరు తాగడం వల్ల పేగులు శుభ్రపడతాయి. ఇది ప్రేగు కదలికలను మెరుగుపరిచి, మలబద్ధకం, ఇతర జీర్ణ సమస్యలను నివారిస్తుంది. ఫలితంగా రోజంతా ఉత్సాహంగా ఉండవచ్చు.
మెరిసే చర్మం మీ సొంతం: చర్మం పొడిబారడం, మొటిమల సమస్యలతో బాధపడేవారు ఉదయాన్నే నీరు తాగడం అలవాటు చేసుకోవాలి. ఇది చర్మాన్ని హైడ్రేటెడ్గా ఉంచి, సహజమైన కాంతిని ఇస్తుంది.
తలనొప్పి, మైగ్రేన్ నుండి ఉపశమనం: చాలామందిని వేధించే తలనొప్పికి ప్రధాన కారణం డీహైడ్రేషన్. ఉదయాన్నే నీరు తాగడం వల్ల మెదడుకు తగినంత హైడ్రేషన్ అంది, మైగ్రేన్ వంటి సమస్యలు దరిచేరవు.
