రక్తపోటు – గుండె సంబంధిత మందులు: బీపీ మందులు హృదయ స్పందన రేటును తగ్గించి, రక్త నాళాలపై ఒత్తిడిని తగ్గిస్తాయి. కానీ కాఫీలోని కెఫిన్ దీనికి పూర్తిగా విరుద్ధంగా పనిచేస్తుంది. ఇది తాత్కాలికంగా రక్తపోటును పెంచుతుంది. మీరు బీపీ మందులు వేసుకున్న తర్వాత కాఫీ తాగితే, ఆ మందుల ప్రభావాన్ని కెఫిన్ అడ్డుకుంటుంది. దీనివల్ల మందులు వేసుకున్నా ఫలితం ఉండదు.
నొప్పి నివారణ మందులు: పారాసెటమాల్, ఆస్ప్రిన్ వంటి మందుల్లో అప్పటికే కొంత కెఫిన్ ఉంటుంది. వీటితో పాటు మళ్లీ కాఫీ తాగడం వల్ల కెఫిన్ మోతాదు పెరిగి, మందులు రక్తంలోకి అతివేగంగా చేరుతాయి. దీనివల్ల కడుపులో మంట, రక్తస్రావం లేదా కడుపులో పుండ్లు ఏర్పడే ప్రమాదం ఉంది. ఇది గుండెపై కూడా అదనపు ఒత్తిడిని కలిగిస్తుంది.
జలుబు – ఫ్లూ మందులు: జలుబు మందులలో ఉండే సూడోఎఫెడ్రిన్ ఒక ఉద్దీపనగా పనిచేస్తుంది. కాఫీలోని కెఫిన్ కూడా ఉద్దీపనమే. ఈ రెండూ కలిస్తే నాడీ వ్యవస్థపై తీవ్ర ఒత్తిడి పడుతుంది. ఫలితంగా విపరీతమైన వణుకు, నిద్రలేమి, తలనొప్పి మరియు గుండె వేగంగా కొట్టుకోవడం వంటి సమస్యలు తలెత్తుతాయి.
థైరాయిడ్ మందులు: థైరాయిడ్ సమస్య ఉన్నవారు వాడే లెవోథైరాక్సిన్ వంటి మందులను కాఫీతో కలిపి తీసుకోవడం చాలా ప్రమాదకరం. అధ్యయనాల ప్రకారం.. కాఫీ తాగడం వల్ల శరీరం ఈ మందును గ్రహించే సామర్థ్యం 50శాతం పైగా తగ్గిపోతుంది. దీనివల్ల మీరు ఎంత మందు వాడినా థైరాయిడ్ నియంత్రణలోకి రాదు.
యాంటిడిప్రెసెంట్స్ – యాంటిసైకోటిక్స్: మానసిక సమస్యలకు వాడే మందులతో కాఫీలోని టానిన్లు రసాయనిక చర్య జరుపుతాయి. ఇది శరీరం మందులను గ్రహించకుండా నిరోధిస్తుంది. కొన్ని సందర్భాల్లో రక్తంలో మందుల స్థాయిని 97శాతం వరకు పెంచి.. విపరీతమైన మైకము, గందరగోళానికి దారితీస్తుంది.
